19UPFOOTBALL
心態士氣體能全崩 曼聯隊史最大敗仗
上半場嘅場評其實值得寫，下半場唔係話當無發生過，只係除咗「利物浦把握力大爆發，曼聯球員放棄掙扎」之外都寫唔到第三句，所以集中講上半場嘅一啲觀察。即使成績未必能夠反映，利物浦近況其實不俗，經歷球員傷患同埋中場後備力量漸漸上力，Klopp總算搵得返球隊喺上半季突然失效嘅高壓迫搶，兩閘同前場嘅運轉亦越見流通。曼聯近況雖佳，但過去兩個月嘅賽程實在過於頻繁，Ten Hag預計game state可能會以利物浦控球為主，因此以Rashford作箭頭、Weghorst打攻中，將Bruno呢個creative hub放邊路（印象中第一次放左翼位，但合乎邏輯）都係想maximize守轉攻嘅反擊效能同速度，事實上曼聯上半場有唔少非常直接嘅長傳由左路策動，Rashford同被isolate嘅Antony一齊前插，喺場面控制同整體運作，曼聯雖然作客，但唔算處於下風。敗筆係右路防守。注意呢度唔係講Dalot嘅防守問題，而係Dalot、Antony同Fred應對利物浦左閘、左中場同左翼流動時嘅問題，而Antony同Fred嘅防守責任不比Dalot細。以失球為例，率先崩盤係Antony無跟隨（又或者被指示唔使跟，留喺身後位打反擊）Robertson而回後，迫使Dalot上前緊迫，Fred返去右閘位置補位守住傳比Gakpo嘅線路，但就因為唔識守閘位，Fred向外踏咗一步，就暴露咗條內線比Gakpo，Robertson睇住你走出去即刻傳個波落去… 呢球贏嘅係正正係利物浦嘅流動性，成功將擅長某工作嘅球員調離崗位再攻其弱點。實有人問我點解唔出「防守好啲嘅」Wan Bissaka，因為除非AWB近排惡補咗位置感同同隊友配合聯防嘅問題，否則以利記咁頻繁嘅換位，出佢應該會失位過多致死，佢嘅強項係迫搶、單防、同引球推進（注意︰引球唔係盤扭），呢場對利物浦並唔啱佢踢。臨完場前失一球的確打亂咗半場部署，而下半場Ten Hag做咗咩調動將會成為最大嘅謎案，因為未有人睇到，曼聯已經完全散哂…我一向都話愛隊輸波事小，場波好睇更緊要，呢場波輸得嚟悶，就真係浪費生命，仲要心態都輸埋，唯一希望係作客球迷有得refund啦喂。P.S 一場咁嘅大敗過後應該無乜人有心機睇賽評折磨多次自己，睇到呢到嘅應該都係勇士嚟，留言圍個爐取爐啦
心態士氣體能全崩 曼聯隊史最大敗仗
上半場嘅場評其實值得寫，下半場唔係話當無發生過，只係除咗「利物浦把握力大爆發，曼聯球員放棄掙扎」之外都寫唔到第三句，所以集中講上半場嘅一啲觀察。即使成績未必能夠反映，利物浦近況其實不俗，經歷球員傷患同埋中場後備力量漸漸上力，Klopp總算搵得返球隊喺上半季突然失效嘅高壓迫搶，兩閘同前場嘅運轉亦越見流通。曼聯近況雖佳，但過去兩個月嘅賽程實在過於頻繁，Ten Hag預計game state可能會以利物浦控球為主，因此以Rashford作箭頭、Weghorst打攻中，將Bruno呢個creative hub放邊路（印象中第一次放左翼位，但合乎邏輯）都係想maximize守轉攻嘅反擊效能同速度，事實上曼聯上半場有唔少非常直接嘅長傳由左路策動，Rashford同被isolate嘅Antony一齊前插，喺場面控制同整體運作，曼聯雖然作客，但唔算處於下風。敗筆係右路防守。注意呢度唔係講Dalot嘅防守問題，而係Dalot、Antony同Fred應對利物浦左閘、左中場同左翼流動時嘅問題，而Antony同Fred嘅防守責任不比Dalot細。以失球為例，率先崩盤係Antony無跟隨（又或者被指示唔使跟，留喺身後位打反擊）Robertson而回後，迫使Dalot上前緊迫，Fred返去右閘位置補位守住傳比Gakpo嘅線路，但就因為唔識守閘位，Fred向外踏咗一步，就暴露咗條內線比Gakpo，Robertson睇住你走出去即刻傳個波落去… 呢球贏嘅係正正係利物浦嘅流動性，成功將擅長某工作嘅球員調離崗位再攻其弱點。實有人問我點解唔出「防守好啲嘅」Wan Bissaka，因為除非AWB近排惡補咗位置感同同隊友配合聯防嘅問題，否則以利記咁頻繁嘅換位，出佢應該會失位過多致死，佢嘅強項係迫搶、單防、同引球推進（注意︰引球唔係盤扭），呢場對利物浦並唔啱佢踢。臨完場前失一球的確打亂咗半場部署，而下半場Ten Hag做咗咩調動將會成為最大嘅謎案，因為未有人睇到，曼聯已經完全散哂…我一向都話愛隊輸波事小，場波好睇更緊要，呢場波輸得嚟悶，就真係浪費生命，仲要心態都輸埋，唯一希望係作客球迷有得refund啦喂。P.S 一場咁嘅大敗過後應該無乜人有心機睇賽評折磨多次自己，睇到呢到嘅應該都係勇士嚟，留言圍個爐取爐啦
Ten Hag半場調動得宜 英格蘭雙星入球奠勝
今場真係睇得好開心，咩都齊曬：上半場受壓有神救，下半場轉陣扭轉形勢，Rashford第二個入球個走位教材級，第三球有美妙team goal，最後廿分鐘仲有幼幼睇，唯一遺憾係全場做非常多off the ball work、下半場由攻中轉返打正前嘅Weghorst仲未入到波。三個入波、不失球、拎足三分，大滿足。開賽初段Ten Hag以Rashford打正前、Garnacho打左、Weghorst攻中迎戰，喺缺少Casemiro嘅情況下，呢個組合相對會帶比球隊更多穩定性，然而今次算盤打唔響，Sabitzer、Fred嘅組合都唔算holding midfielder，李城喺曼聯後腹搵到好多空位，曼聯前場亦因缺少具威脅嘅走動而顯得攻不銳守不穩。下半場以Sancho入替Garnacho，Sancho出任攻中，Bruno繼續居右，Rashford則打左邊，效果明顯。Rashford貼住對方後防線跑身後位入心臟地帶本來就係強項，呢樣係相對習慣挨住邊線走嘅Garnacho做唔到嘅事，Rashford第二個入球繞過Castagne嘅走位正正係Garnacho想挑戰青訓大師兄地位要學嘅課題。特別想講一講Sancho，復出嗰一場入嚟起已見到佢主要打攻中，似乎係Ten Hag審視佢過後為佢度身訂造嘅新定位。事實上佢嚟英超以嚟打兩翼位置都用唔到佢嘅能力，有可能係佢嘅速度同走位習慣不搭配曼聯現今嘅翼鋒要求。既然技巧不俗，傳射皆可，加上靈活性佳，「轉型」打佢未試過喺曼聯出任嘅攻中位並無不可——特別係本身Bruno並未有替補之時，Sancho今場表現似乎為Ten Hag嘅嘗試增強不少信心。
Ten Hag半場調動得宜 英格蘭雙星入球奠勝
今場真係睇得好開心，咩都齊曬：上半場受壓有神救，下半場轉陣扭轉形勢，Rashford第二個入球個走位教材級，第三球有美妙team goal，最後廿分鐘仲有幼幼睇，唯一遺憾係全場做非常多off the ball work、下半場由攻中轉返打正前嘅Weghorst仲未入到波。三個入波、不失球、拎足三分，大滿足。開賽初段Ten Hag以Rashford打正前、Garnacho打左、Weghorst攻中迎戰，喺缺少Casemiro嘅情況下，呢個組合相對會帶比球隊更多穩定性，然而今次算盤打唔響，Sabitzer、Fred嘅組合都唔算holding midfielder，李城喺曼聯後腹搵到好多空位，曼聯前場亦因缺少具威脅嘅走動而顯得攻不銳守不穩。下半場以Sancho入替Garnacho，Sancho出任攻中，Bruno繼續居右，Rashford則打左邊，效果明顯。Rashford貼住對方後防線跑身後位入心臟地帶本來就係強項，呢樣係相對習慣挨住邊線走嘅Garnacho做唔到嘅事，Rashford第二個入球繞過Castagne嘅走位正正係Garnacho想挑戰青訓大師兄地位要學嘅課題。特別想講一講Sancho，復出嗰一場入嚟起已見到佢主要打攻中，似乎係Ten Hag審視佢過後為佢度身訂造嘅新定位。事實上佢嚟英超以嚟打兩翼位置都用唔到佢嘅能力，有可能係佢嘅速度同走位習慣不搭配曼聯現今嘅翼鋒要求。既然技巧不俗，傳射皆可，加上靈活性佳，「轉型」打佢未試過喺曼聯出任嘅攻中位並無不可——特別係本身Bruno並未有替補之時，Sancho今場表現似乎為Ten Hag嘅嘗試增強不少信心。
信心之外，還有甚麼？ 淺談Rashford蛻變
Rashford突然搖身一變成為全歐洲狀態最佳嘅前鋒，不止一次嘅訪問中，佢本人同領隊Ten Hag都話係「重拾信心」嘅表現。呢句當然無錯，但同樣值得深究嘅係，到底喺個人戰術同球隊戰術上，作出咗啲咩調整？#重新投入最佳活動範圍世界盃前一場對韋斯咸嘅聯賽賽後訪問，Rashford提到「Ten Hag希望我留喺啱嘅範圍、入球、壓迫對手。」所謂「啱嘅範圍」，大致可以分為「起動」嘅地方同「射門」嘅地方。眾所周知，Rashford比較擅長喺左路同左肋部（Half-space）活動嘅球員，Ten Hag自季初大部分時間都放佢喺4-2-3-1嘅左翼位置，而非Solskjaer或Rangnick咁一半放左、一半放右。而受惠於曼聯中軸得強援Casemiro、Eriksen以及Martinez（好多人唔記得咗Martinez對於曼聯build up嘅貢獻其實極大）加盟，中場推進較早兩三季穩定咗好多，變相作為翼鋒唔需要被逼長期回後拎波，Rashford相對上可以喺更接近中前場嘅左路同左肋部起動同迎接皮球。世界盃後，由於C.Ronaldo離隊、Martial屢受傷病影響，Ten Hag亦會喺特定情況下將Rashford推至中鋒位置攻堅。受惠於其速度，Rashford同對手防線並排走身後位嘅能力，令曼聯得以喺攻守轉換階段保持最大威脅。上面提到C.Ronaldo離隊，好多人取笑C.Ronaldo一直喺度阻住Rashford搵食，或多或少都無講錯——再深入一層咁講，主要係Rashford同C.Ronaldo嘅偏好射門位置有啲重疊，雖然後者嘅firing range非常遼闊，但多咗一個人走「埋齋」位就必然對另一人有所影響，所以入哂佢數又有啲唔公平；再者，Rashford喺大師兄身上係有學到嘢。最近期嘅例子係Rashford攻入反勝曼城2-1嘅入球，Rashford一直企喺offside position等傳中，呢個係C.Ronaldo嘅招牌貨之一，而早年嘅Rashford係好少識得呢啲位。配圖算係引証咗呢個論點。圖中顯示過去四季Rashford起腳射門位置嘅heat map，可以見到，今季佢嘅射門位置非常集中喺左肋部禁區內，對比起上兩季，分散咗唔少喺禁區外嘅浪射，位於右路嘅射門亦限制咗右腳球員可以動用嘅射門技巧。此外，射門平均距離係四季以來最短（15碼）、以及每個射門嘅平均xG亦係四季以來最高（0.16），直接反映Rashford今季得到嘅埋門機會同質素皆遠超以往。#前場決定及個人技術相輔相成早一兩年好多人笑Rashford係「人堆福」，因為佢只要喺前場拎到波就二話不說向人堆裡衝，妄想自己可以扭過兩三個人強行突破對手防線。今季嘅Rashford嘅前場決定「突然」聰明咗好多。當然作為局外人無辦法知道Ten Hag同佢嘅教練團點樣幫佢進行換腦手術，但大致嘅推測係︰一、曼聯進攻路線同走動清晰咗，令佢明白自己多咗選擇；二、Rashford自己本身嘅技術有提升。特別想講多少少第二點。個人印象，Rashford嘗試多咗好多單對單嘅盤扭突破，但睇返數據又啱啱相反。今年佢嘅場均盤扭嘗試只有3.6次，係有紀錄以嚟第二低；甚至場均觸球次數都係有紀錄以嚟最低（37.7次）。呢個印象可能純粹來自成功率高，同埋湊效。Rashford今年嘅盤扭絕對有進步，其一係得益於佢嘅肩傷痊癒重拾爆發力，令佢可以更頻密施展變速盤扭（tempo dribbling）；其二係因為隊友為佢開啟發多選擇，佢有條件喺啲一對一嘅情況，混合更多盤扭方向，即無論向外、向內嘅盤扭皆可，後衛就好難捉路防守。昨夜對巴塞隆拿2-1嘅入球，就係乘Raphinha「捉」佢向場內跑失敗，轉向向外盤扭而成功製造入球。#釐定戰術角色定位不局限於位置順帶一提，作為翼鋒，呢個盤扭同觸球數字係明顯過低，反而同正前鋒睇齊。顯然，Rashford喺球隊角色已逐漸確立成finisher（入球者），而非普遍翼位球員嘅帶球者（ball carrier）。而事實上Rashford嘅入球數喺過去幾季都領先期望入球值（xG），幾位領隊都曾經大讚佢係「埋門技巧最全面嘅球員之一」，而過去兩季入球數字低落，可能只係因為供應太疲弱。——繼上篇講右閘嘅文章，一再証明場上位置同球場角色，不盡相同。最近有觀看曼城比賽嘅球員，都會更明顯地見到哥帥攻、守嘅排陣可謂截然不同。排陣嘅數字係死嘅、人係活嘅，現今睇足球，大家要留意多啲唔同比較階段嘅舖排，而減少期望球員單純以「足球機」形式應對球場上嘅所以變數。最後當然要講返一開頭所講嘅信心。足球同心理本來就係一樣好微妙嘅嘢，有信心時你可以做到啲之前做唔到嘅事，而進步亦可以培養更強信心，作為球迷自然樂見此等正向循環，在此寄語Rashford繼續進步，派飯之餘不忘入多啲波。*******上文參考咗The Athletic文章嘅部份觀點及數據，文中亦有唔少相關比賽截圖闡述其觀點，有興趣嘅朋友歡迎細閱︰https://theathletic.com/.../marcus-rashford-manchester.../配圖改自同一文章插圖。
信心之外，還有甚麼？ 淺談Rashford蛻變
Rashford突然搖身一變成為全歐洲狀態最佳嘅前鋒，不止一次嘅訪問中，佢本人同領隊Ten Hag都話係「重拾信心」嘅表現。呢句當然無錯，但同樣值得深究嘅係，到底喺個人戰術同球隊戰術上，作出咗啲咩調整？#重新投入最佳活動範圍世界盃前一場對韋斯咸嘅聯賽賽後訪問，Rashford提到「Ten Hag希望我留喺啱嘅範圍、入球、壓迫對手。」所謂「啱嘅範圍」，大致可以分為「起動」嘅地方同「射門」嘅地方。眾所周知，Rashford比較擅長喺左路同左肋部（Half-space）活動嘅球員，Ten Hag自季初大部分時間都放佢喺4-2-3-1嘅左翼位置，而非Solskjaer或Rangnick咁一半放左、一半放右。而受惠於曼聯中軸得強援Casemiro、Eriksen以及Martinez（好多人唔記得咗Martinez對於曼聯build up嘅貢獻其實極大）加盟，中場推進較早兩三季穩定咗好多，變相作為翼鋒唔需要被逼長期回後拎波，Rashford相對上可以喺更接近中前場嘅左路同左肋部起動同迎接皮球。世界盃後，由於C.Ronaldo離隊、Martial屢受傷病影響，Ten Hag亦會喺特定情況下將Rashford推至中鋒位置攻堅。受惠於其速度，Rashford同對手防線並排走身後位嘅能力，令曼聯得以喺攻守轉換階段保持最大威脅。上面提到C.Ronaldo離隊，好多人取笑C.Ronaldo一直喺度阻住Rashford搵食，或多或少都無講錯——再深入一層咁講，主要係Rashford同C.Ronaldo嘅偏好射門位置有啲重疊，雖然後者嘅firing range非常遼闊，但多咗一個人走「埋齋」位就必然對另一人有所影響，所以入哂佢數又有啲唔公平；再者，Rashford喺大師兄身上係有學到嘢。最近期嘅例子係Rashford攻入反勝曼城2-1嘅入球，Rashford一直企喺offside position等傳中，呢個係C.Ronaldo嘅招牌貨之一，而早年嘅Rashford係好少識得呢啲位。配圖算係引証咗呢個論點。圖中顯示過去四季Rashford起腳射門位置嘅heat map，可以見到，今季佢嘅射門位置非常集中喺左肋部禁區內，對比起上兩季，分散咗唔少喺禁區外嘅浪射，位於右路嘅射門亦限制咗右腳球員可以動用嘅射門技巧。此外，射門平均距離係四季以來最短（15碼）、以及每個射門嘅平均xG亦係四季以來最高（0.16），直接反映Rashford今季得到嘅埋門機會同質素皆遠超以往。#前場決定及個人技術相輔相成早一兩年好多人笑Rashford係「人堆福」，因為佢只要喺前場拎到波就二話不說向人堆裡衝，妄想自己可以扭過兩三個人強行突破對手防線。今季嘅Rashford嘅前場決定「突然」聰明咗好多。當然作為局外人無辦法知道Ten Hag同佢嘅教練團點樣幫佢進行換腦手術，但大致嘅推測係︰一、曼聯進攻路線同走動清晰咗，令佢明白自己多咗選擇；二、Rashford自己本身嘅技術有提升。特別想講多少少第二點。個人印象，Rashford嘗試多咗好多單對單嘅盤扭突破，但睇返數據又啱啱相反。今年佢嘅場均盤扭嘗試只有3.6次，係有紀錄以嚟第二低；甚至場均觸球次數都係有紀錄以嚟最低（37.7次）。呢個印象可能純粹來自成功率高，同埋湊效。Rashford今年嘅盤扭絕對有進步，其一係得益於佢嘅肩傷痊癒重拾爆發力，令佢可以更頻密施展變速盤扭（tempo dribbling）；其二係因為隊友為佢開啟發多選擇，佢有條件喺啲一對一嘅情況，混合更多盤扭方向，即無論向外、向內嘅盤扭皆可，後衛就好難捉路防守。昨夜對巴塞隆拿2-1嘅入球，就係乘Raphinha「捉」佢向場內跑失敗，轉向向外盤扭而成功製造入球。#釐定戰術角色定位不局限於位置順帶一提，作為翼鋒，呢個盤扭同觸球數字係明顯過低，反而同正前鋒睇齊。顯然，Rashford喺球隊角色已逐漸確立成finisher（入球者），而非普遍翼位球員嘅帶球者（ball carrier）。而事實上Rashford嘅入球數喺過去幾季都領先期望入球值（xG），幾位領隊都曾經大讚佢係「埋門技巧最全面嘅球員之一」，而過去兩季入球數字低落，可能只係因為供應太疲弱。——繼上篇講右閘嘅文章，一再証明場上位置同球場角色，不盡相同。最近有觀看曼城比賽嘅球員，都會更明顯地見到哥帥攻、守嘅排陣可謂截然不同。排陣嘅數字係死嘅、人係活嘅，現今睇足球，大家要留意多啲唔同比較階段嘅舖排，而減少期望球員單純以「足球機」形式應對球場上嘅所以變數。最後當然要講返一開頭所講嘅信心。足球同心理本來就係一樣好微妙嘅嘢，有信心時你可以做到啲之前做唔到嘅事，而進步亦可以培養更強信心，作為球迷自然樂見此等正向循環，在此寄語Rashford繼續進步，派飯之餘不忘入多啲波。*******上文參考咗The Athletic文章嘅部份觀點及數據，文中亦有唔少相關比賽截圖闡述其觀點，有興趣嘅朋友歡迎細閱︰https://theathletic.com/.../marcus-rashford-manchester.../配圖改自同一文章插圖。
曼聯中場殘陣應戰 Rashford再做英雄
Sabitzer同Martinez（同Eriksen）同時缺陣嘅情況之下，作客魯營球場可以打和絕對收貨。延續上兩場波對住列斯聯中路無法推進嘅問題，Ten Hag嘅短暫解決方案似乎係想Weghorst同Fred喺中場做串連，然後允許Sancho、Bruno、Rashford三子更多時間就逗留喺危險嘅位置。然而問題係兩位都唔係擅長呢類型工作嘅中場球員，更多嘅情況下係見到曼聯後場五人同前場五人完全斷開。第二個失球正正係咁輸，而上半場早已有唔止一次類似鏡頭。一排無睇巴塞，不經不覺佢哋比想像中弱咗好多。整體戰術猶在，但場上球員技巧差天共地，唔好話小範圍搓傳，一啲基本腳下球嘅處理都唔夠聰明，Busquets缺陣對巴塞中場有一定影響。Fred上半場甚至唔係好緊纏式嘅man mark對住Frankie de Jong已經凍結咗巴塞嘅推進；下半場有一段時間甚至有空間放低任務自我解放，而巴塞中場又好似無乜屏障力咁。坦白講兩隊波個別球員表現麻麻（Wan-Bissaka、Kessie、Kounde都幾唔掂，再數就全隊架喇），整體發揮麻麻，場波有張力但質素真係唔算高。Rashford繼續處於form of his life，兩個入波本身連機會都稱唔上又比佢製造到入球，條友咁落去遲早贏埋Ballon d'Or...提醒大家，歐霸已經取消咗作客入球，次回合返奧脫福點都要贏。
曼聯中場殘陣應戰 Rashford再做英雄
Sabitzer同Martinez（同Eriksen）同時缺陣嘅情況之下，作客魯營球場可以打和絕對收貨。延續上兩場波對住列斯聯中路無法推進嘅問題，Ten Hag嘅短暫解決方案似乎係想Weghorst同Fred喺中場做串連，然後允許Sancho、Bruno、Rashford三子更多時間就逗留喺危險嘅位置。然而問題係兩位都唔係擅長呢類型工作嘅中場球員，更多嘅情況下係見到曼聯後場五人同前場五人完全斷開。第二個失球正正係咁輸，而上半場早已有唔止一次類似鏡頭。一排無睇巴塞，不經不覺佢哋比想像中弱咗好多。整體戰術猶在，但場上球員技巧差天共地，唔好話小範圍搓傳，一啲基本腳下球嘅處理都唔夠聰明，Busquets缺陣對巴塞中場有一定影響。Fred上半場甚至唔係好緊纏式嘅man mark對住Frankie de Jong已經凍結咗巴塞嘅推進；下半場有一段時間甚至有空間放低任務自我解放，而巴塞中場又好似無乜屏障力咁。坦白講兩隊波個別球員表現麻麻（Wan-Bissaka、Kessie、Kounde都幾唔掂，再數就全隊架喇），整體發揮麻麻，場波有張力但質素真係唔算高。Rashford繼續處於form of his life，兩個入波本身連機會都稱唔上又比佢製造到入球，條友咁落去遲早贏埋Ballon d'Or...提醒大家，歐霸已經取消咗作客入球，次回合返奧脫福點都要贏。
Ten Hag以戰術智取？ 留前鬥後險勝宿廠
曼聯頭60分鐘一直延續上場問題，後場build up受制於列斯聯三前鋒嘅迫搶，中路完全無法出波；今場為咗備戰周中歐協盃對巴塞隆拿，Ten Hag更拆散一對正選中堅組合，改由Maguire夥拍Shaw，Malacia出任左閘。左中堅唔用Lindelof原因係想Shaw成為曼聯3-2陣嘅左腳出球點（Malacia移中作double pivot），思路清晰，但成效不佳，甚至偶然因為build up被折斷差啲輸反擊（Maguire只係其中一環，老實講中場幾個現位不足都有責任）。情形去到Martinez入替Malacia、Shaw復任左閘，曼聯終於有一個中路出球點，可以將皮球傳比Bruno、Weghorst或兩翼球員，先有好轉。個人相信呢樣係Ten Hag 嘅賽前部署之一，除咗保留體力，特別係見到列斯聯上場後段體力下降，減少前場迫搶改為控球，呢個時候曼聯先開始打長波（第一個入球來至Sabitzer後場得益於列斯聯減少迫搶而獲得空間作出嘅長傳），甚至以Wan-Bissaka入替Dalot，反客為主增加中前場迫搶能力（第二個入球就係Fred嘅中場迫搶成功反擊得手），可能算係幾有心思嘅戰術舖排。當然呢個都有少少賭博成份，畢竟頭60分鐘列斯不乏先入一球嘅機會...特別讚Weghorst今場對曼聯前場串連工作有極大貢獻，特別係Bruno長期被逼往邊路後，Weghorst不論攻守幾乎打哂成條中軸線，最後一擊嘅入波被吹走有少少唔抵，慢鏡睇得唔清楚，個波有機會係省到列斯聯球員隻手反彈比Weghorst，未必構成越位。突登唔揀入波嘅Garnacho同Rashford，今次張圖揀咗你！曼聯贏波後暫升上第二位，領先踢少兩場嘅曼城1分！
Ten Hag以戰術智取？ 留前鬥後險勝宿廠
曼聯頭60分鐘一直延續上場問題，後場build up受制於列斯聯三前鋒嘅迫搶，中路完全無法出波；今場為咗備戰周中歐協盃對巴塞隆拿，Ten Hag更拆散一對正選中堅組合，改由Maguire夥拍Shaw，Malacia出任左閘。左中堅唔用Lindelof原因係想Shaw成為曼聯3-2陣嘅左腳出球點（Malacia移中作double pivot），思路清晰，但成效不佳，甚至偶然因為build up被折斷差啲輸反擊（Maguire只係其中一環，老實講中場幾個現位不足都有責任）。情形去到Martinez入替Malacia、Shaw復任左閘，曼聯終於有一個中路出球點，可以將皮球傳比Bruno、Weghorst或兩翼球員，先有好轉。個人相信呢樣係Ten Hag 嘅賽前部署之一，除咗保留體力，特別係見到列斯聯上場後段體力下降，減少前場迫搶改為控球，呢個時候曼聯先開始打長波（第一個入球來至Sabitzer後場得益於列斯聯減少迫搶而獲得空間作出嘅長傳），甚至以Wan-Bissaka入替Dalot，反客為主增加中前場迫搶能力（第二個入球就係Fred嘅中場迫搶成功反擊得手），可能算係幾有心思嘅戰術舖排。當然呢個都有少少賭博成份，畢竟頭60分鐘列斯不乏先入一球嘅機會...特別讚Weghorst今場對曼聯前場串連工作有極大貢獻，特別係Bruno長期被逼往邊路後，Weghorst不論攻守幾乎打哂成條中軸線，最後一擊嘅入波被吹走有少少唔抵，慢鏡睇得唔清楚，個波有機會係省到列斯聯球員隻手反彈比Weghorst，未必構成越位。突登唔揀入波嘅Garnacho同Rashford，今次張圖揀咗你！曼聯贏波後暫升上第二位，領先踢少兩場嘅曼城1分！
連追兩球幸保一分 中場勉強有對策？
沒有Casemiro和Eriksen的第一天，Sabitzer同Fred嘅組合可以話係失敗而回，老實講，咁易解決到就唔使兩個世界級中場嚟搞。今場曼聯最缺乏嘅係調度同疏理中場嘅能力：獨立去睇，Fred同Sabitzer都可以推進皮球，問題係幾時推進、如何推進，如何拿捏。Sabitzer同Fred問題在於急，隊友未準備好就想去波，當中場同四圍嘅節奏不一，會丟失大量控球權，今塊場比賽有太多時間處於Transition phase，而列斯聯最叻就係打反擊...本來嘅如意算盤係以Bruno回後協助Fred、Sabitzer做build up，點知一開波就用失球提醒領隊Bruno後場拎波做決定慢嘅缺點，當然托賴列斯聯嘅高壓迫搶執行力非常好。以往曼聯不乏以中路推進嘅畫面，今日中場失勢，下半場中段落後兩球下，Ten Hag換入Pellistri相信幾令人意外，後知後覺嘅係，原來曼聯同時改變推進路徑，以兩邊作主要推進線打側擊，成功挽救比賽。戰術有心思，亦有一定臨場調節能力。末段Lindelof眾望所歸入嚟客串防中，相信唔少公海球迷會衝出嚟講「一早話咗比佢試啦！」個人認為今場情況特殊，一嚟係中場中嘅defensive transition做得太差，Fred又唔係以位置感見稱，擺個中堅客串防中當stop gap頂住先咁解，缺點係犧牲咗一定攻擊力。坦白講，睇完呢幾分鐘真係覺得呢單嘢大部分情形唔太work，起碼未見到係長期solution先...
連追兩球幸保一分 中場勉強有對策？
沒有Casemiro和Eriksen的第一天，Sabitzer同Fred嘅組合可以話係失敗而回，老實講，咁易解決到就唔使兩個世界級中場嚟搞。今場曼聯最缺乏嘅係調度同疏理中場嘅能力：獨立去睇，Fred同Sabitzer都可以推進皮球，問題係幾時推進、如何推進，如何拿捏。Sabitzer同Fred問題在於急，隊友未準備好就想去波，當中場同四圍嘅節奏不一，會丟失大量控球權，今塊場比賽有太多時間處於Transition phase，而列斯聯最叻就係打反擊...本來嘅如意算盤係以Bruno回後協助Fred、Sabitzer做build up，點知一開波就用失球提醒領隊Bruno後場拎波做決定慢嘅缺點，當然托賴列斯聯嘅高壓迫搶執行力非常好。以往曼聯不乏以中路推進嘅畫面，今日中場失勢，下半場中段落後兩球下，Ten Hag換入Pellistri相信幾令人意外，後知後覺嘅係，原來曼聯同時改變推進路徑，以兩邊作主要推進線打側擊，成功挽救比賽。戰術有心思，亦有一定臨場調節能力。末段Lindelof眾望所歸入嚟客串防中，相信唔少公海球迷會衝出嚟講「一早話咗比佢試啦！」個人認為今場情況特殊，一嚟係中場中嘅defensive transition做得太差，Fred又唔係以位置感見稱，擺個中堅客串防中當stop gap頂住先咁解，缺點係犧牲咗一定攻擊力。坦白講，睇完呢幾分鐘真係覺得呢單嘢大部分情形唔太work，起碼未見到係長期solution先...