NGSICKBALL
<奧脫福之旅〉
話說版主上個月去左英國睇左人生第一場英超身為獌狗 就緊係睇曼聯啦睇完返嚟 就緊係有野同大家分享啦1. 奧脫福球場裏裏外外都好宏偉好壯觀，影相真係好靚，尤其係夜晚，去到記得要影埋夜景，靚過日頭架2. 七萬幾人一齊嗌真係好興奮，不過可能遊客比較多，唔係好多人識唱d chants3. 加拿祖真係好受歡迎，佢一出場大家都唱Viva Garnacho，掂親波都有人cheer。現場fans都好support奧拿拿 and even麥龜，反而有人噓vdb，都幾慘4. 現場感覺般奴同曼治係隊中特別好波的，但而家既福仔，應該唔夠艾華頓勁，不過始終最多人着佢波衫，其次般奴、卡斯米路、馬天尼斯、加拿祖，7號仔曼治一個都唔見🥲5. 雖然香港同英超睇波氣氛一定冇得比，但本地球迷文化有好多值得學習之處，例如經常嗌球員個名去show support，同埋角球死球拍凳集氣，都係我地好自豪既位6. 奧脫福球場有少少山旮旯，附近除左酒店同超市，就係得少少民居同餐廳。不過揀住球場隔離酒店，就可以隨時隨地落去影相7. Stadium tour唔多講，唔想劇透，影響大家日後體驗，總之一句講晒，去得睇波就一定要去埋8. 最後，睇波真係要揾 @ballfettballfett ，令你可以放心去世界各地朝聖，prep個trip都輕鬆d今次係版主第一次但一定唔係最後一次去睇曼聯奧脫福 好快再見👊🏻
<奧脫福之旅〉
話說版主上個月去左英國睇左人生第一場英超身為獌狗 就緊係睇曼聯啦睇完返嚟 就緊係有野同大家分享啦1. 奧脫福球場裏裏外外都好宏偉好壯觀，影相真係好靚，尤其係夜晚，去到記得要影埋夜景，靚過日頭架2. 七萬幾人一齊嗌真係好興奮，不過可能遊客比較多，唔係好多人識唱d chants3. 加拿祖真係好受歡迎，佢一出場大家都唱Viva Garnacho，掂親波都有人cheer。現場fans都好support奧拿拿 and even麥龜，反而有人噓vdb，都幾慘4. 現場感覺般奴同曼治係隊中特別好波的，但而家既福仔，應該唔夠艾華頓勁，不過始終最多人着佢波衫，其次般奴、卡斯米路、馬天尼斯、加拿祖，7號仔曼治一個都唔見🥲5. 雖然香港同英超睇波氣氛一定冇得比，但本地球迷文化有好多值得學習之處，例如經常嗌球員個名去show support，同埋角球死球拍凳集氣，都係我地好自豪既位6. 奧脫福球場有少少山旮旯，附近除左酒店同超市，就係得少少民居同餐廳。不過揀住球場隔離酒店，就可以隨時隨地落去影相7. Stadium tour唔多講，唔想劇透，影響大家日後體驗，總之一句講晒，去得睇波就一定要去埋8. 最後，睇波真係要揾 @ballfettballfett ，令你可以放心去世界各地朝聖，prep個trip都輕鬆d今次係版主第一次但一定唔係最後一次去睇曼聯奧脫福 好快再見👊🏻
〈22-23球季，曼聯回顧與展望〉
坦克執教曼聯第一季，如果要簡單概括，就係以災難開始，以安慰作結。先講講曼聯今季成績先1. 英超以75分排第三，比起上季排第六，攞多左17分，最重要當然係下季重返歐聯。不過聯賽全季只係攻入58球，雖然C朗季中離隊同馬斯亞長期倦勤，但以Big 6嚟講都係不能接受，講緊曼城係入左94球、阿仙奴88球、白禮頓都72球。2. 歐霸八強出局，又係輸西維爾，四線作戰當中最失望既一環。3. 聯賽盃係球隊六年第一個冠軍，雖然晉級過程並未受咩考驗，但無疑坦克定一眾球員同球迷都係好大鼓舞。4. 足總盃成功打入決賽，面對曼城就好似大衛挑戰哥利亞咁。即使結局唔同，但喺攻守都有主力缺陣之下，球員表現同精神面貌都值得加許，球迷都收貨啦跟住回顧下今季既難以忘記同難以磨滅既時刻1. 22年8月「開季兩連敗，跌落榜尾」揭幕戰意外輸1:2比白禮頓，第二場仲恥辱性比賓福特太炒0:4。好彩第三知恥近乎勇，2:1擊敗當時同樣喺榜尾掙扎既利物浦。2. 22年10月「曼市打吡慘敗」本來以為曼聯近況回勇，有力同曼城一戰，結果打吡變悲劇，半場已經落後4球，最後慘敗3:6。3. 22年11月「與C朗季中解約，分道揚鑣」C朗高調接受摩根訪問之後，曼聯宣佈同佢解約，佢亦隨即轉戰沙特球會艾納斯。自此，曼聯球迷分成兩大陣營，撐朗派同反朗派甚至嘈得激烈過同市死敵。4. 23年1月-2月「連戰皆捷，勇奪六年首冠」一眾曼聯球員喺世界盃完結之後，都keep住有好表現。福仔更加贏得呢兩個月既英超Player of the Month，當中2月更係同領隊坦克雙喜臨門。去到2月尾曼聯亦擊敗紐卡素，贏得聯賽盃冠軍，令坦克執教生涯有個好開始。5. 23年3月「雙紅會慘敗」唔知係咪班球員捧完盃之後，仲係holiday mood搞到無心戀戰。曼聯作客晏菲路被屠殺0:7，創下史上最大敗仗羞恥紀錄，更加係今季第三次被對手大炒。6. 23年5月聯賽不過不失，決賽力戰而敗曼聯喺5月初連續兩場聯賽失分，瞬間令爭四變讓四，好彩最後都拎倒個第三。至於賽前幾乎冇人睇好既足總盃決賽，輸得有尊嚴已經有交代。總括嚟講，曼聯今季可以話完成左基本任務: 守住前四，重返歐聯。本以為又係四大皆空既一年，總算有個聯賽盃冠軍做安慰獎。來季展望1. 清洗球員，籌集轉會資金除左已經約滿離隊嗰幾個之外，仲有外借回歸既拜利同泰利斯，麥佳亞、甸軒達臣、雲迪碧克、艾蘭加、柏列斯查，or even 費特、麥湯文尼，有適合報價既，清得就清。2. 補充球員，應付多線作戰當Big 6都陸續簽新球員，曼聯仲係得個吹字，令人擔心。隨住韋賀斯、沙比薩、畢蘭都不獲續借，中鋒、中場、龍門，都係曼聯補強首要目標。雖然暫時d報價都唔太順利，希望呢個轉會窗唔好panic buy，唔好deadline fight。大家繼續mon實Fabrizio大佬啦。
〈22-23球季，曼聯回顧與展望〉
坦克執教曼聯第一季，如果要簡單概括，就係以災難開始，以安慰作結。先講講曼聯今季成績先1. 英超以75分排第三，比起上季排第六，攞多左17分，最重要當然係下季重返歐聯。不過聯賽全季只係攻入58球，雖然C朗季中離隊同馬斯亞長期倦勤，但以Big 6嚟講都係不能接受，講緊曼城係入左94球、阿仙奴88球、白禮頓都72球。2. 歐霸八強出局，又係輸西維爾，四線作戰當中最失望既一環。3. 聯賽盃係球隊六年第一個冠軍，雖然晉級過程並未受咩考驗，但無疑坦克定一眾球員同球迷都係好大鼓舞。4. 足總盃成功打入決賽，面對曼城就好似大衛挑戰哥利亞咁。即使結局唔同，但喺攻守都有主力缺陣之下，球員表現同精神面貌都值得加許，球迷都收貨啦跟住回顧下今季既難以忘記同難以磨滅既時刻1. 22年8月「開季兩連敗，跌落榜尾」揭幕戰意外輸1:2比白禮頓，第二場仲恥辱性比賓福特太炒0:4。好彩第三知恥近乎勇，2:1擊敗當時同樣喺榜尾掙扎既利物浦。2. 22年10月「曼市打吡慘敗」本來以為曼聯近況回勇，有力同曼城一戰，結果打吡變悲劇，半場已經落後4球，最後慘敗3:6。3. 22年11月「與C朗季中解約，分道揚鑣」C朗高調接受摩根訪問之後，曼聯宣佈同佢解約，佢亦隨即轉戰沙特球會艾納斯。自此，曼聯球迷分成兩大陣營，撐朗派同反朗派甚至嘈得激烈過同市死敵。4. 23年1月-2月「連戰皆捷，勇奪六年首冠」一眾曼聯球員喺世界盃完結之後，都keep住有好表現。福仔更加贏得呢兩個月既英超Player of the Month，當中2月更係同領隊坦克雙喜臨門。去到2月尾曼聯亦擊敗紐卡素，贏得聯賽盃冠軍，令坦克執教生涯有個好開始。5. 23年3月「雙紅會慘敗」唔知係咪班球員捧完盃之後，仲係holiday mood搞到無心戀戰。曼聯作客晏菲路被屠殺0:7，創下史上最大敗仗羞恥紀錄，更加係今季第三次被對手大炒。6. 23年5月聯賽不過不失，決賽力戰而敗曼聯喺5月初連續兩場聯賽失分，瞬間令爭四變讓四，好彩最後都拎倒個第三。至於賽前幾乎冇人睇好既足總盃決賽，輸得有尊嚴已經有交代。總括嚟講，曼聯今季可以話完成左基本任務: 守住前四，重返歐聯。本以為又係四大皆空既一年，總算有個聯賽盃冠軍做安慰獎。來季展望1. 清洗球員，籌集轉會資金除左已經約滿離隊嗰幾個之外，仲有外借回歸既拜利同泰利斯，麥佳亞、甸軒達臣、雲迪碧克、艾蘭加、柏列斯查，or even 費特、麥湯文尼，有適合報價既，清得就清。2. 補充球員，應付多線作戰當Big 6都陸續簽新球員，曼聯仲係得個吹字，令人擔心。隨住韋賀斯、沙比薩、畢蘭都不獲續借，中鋒、中場、龍門，都係曼聯補強首要目標。雖然暫時d報價都唔太順利，希望呢個轉會窗唔好panic buy，唔好deadline fight。大家繼續mon實Fabrizio大佬啦。
〈昔日的最佳左閘，今日的忠實擁躉: 曼聯名宿艾夫拿〉
人稱「前鋒華」既曼聯後防名宿艾夫拿，對球迷嚟講應該一d都唔陌生，例如佢中過C朗雞胸既伏，係朴智星既好兄弟，同埋比蘇亞雷斯種族歧視，仲有效力馬賽既時候起飛腳自己球迷等。法國藉既佢，喺塞內加爾出世，司職左閘，佢喺2006年1月由摩納哥加盟曼聯，係曼聯近年最出色後衞之一。 06-07球季，係24歲既艾夫拿喺曼聯既debut season。當時正選左閘軒斯飽受傷患困擾，因此艾夫拿一加盟就有唔少上陣機會，喺球隊亦逐漸站穩陣腳，慢慢進佔正選位置。佢踢法攻強於守，係當時少數以進攻為主既閘位球員。踢順腳左閘既佢，擅長側擊傳中，有良好傳球視野，速度飛快，體能優異。佢work rate同攻守覆蓋率都係上乘，仲係勤力得嚟又有球商既後防大將。佢具備截擊能力同補位意識，有着強壯體格，單防單防守都毫不輸蝕。就算得1米73，佢制空力都唔算差。憑着亮眼表現，即使全季只係上陣左24場，艾夫拿依然入選英超PFA Team of the Year。之後艾夫拿就成為曼聯攻守方面都不可或缺既主力。佢亦develop新技能，擔當角球戰術進攻點，不過唔係斬波，只係入楔接應傳中頂頭槌嗰個。 09-10球季，佢更加喺英超38場賽事全勤，仲首次以曼聯隊長身份捧走聯賽盃。佢效力曼聯呢段時間，贏得五次英超(06-09、10-11、12-13)，同埋一次歐聯冠軍(07-08)，仲有幾個本土盃賽，同隊友合力造就球隊輝煌盛世。可惜喺2014年7月，艾夫拿決定尋求新挑戰，結束九年紅魔鬼生涯，轉投祖雲達斯。離隊之際，佢多次感謝傳奇領隊費sir信任同教導，費sir都盛讚佢獨特既領袖氣質。之後佢曾經回歸法國效力馬賽，再重返英超加盟韋斯咸，最後喺2019年以38歲之齡，為職業生涯畫上句號。退役之後，艾夫拿仍然非常關注曼聯近況，佢Instagram關於舊東隊既posts多不勝數。最為人津津樂道既，就係喺曼聯贏左曼市打吡之外，拍片唱Don’t Look Back in Anger改詞版(主唱Oasis喺曼城球迷)慶祝。今季曼聯對陣阿仙奴同巴塞之前，佢都有向班師弟分享心得同為佢地打氣。佢亦一直支持領隊坦克，即使曼聯今季唔止一次經歷大敗，佢都鼓勵球迷要對佢保持耐性同信心，等佢帶領球隊重回正軌。艾夫拿又經常發表賽後評論，一針見血咁指出球隊或球員既不足之處，例如肯定般奴球技既同時，勉勵佢要改下d乞人憎既脾氣同身體語言。比起唔少曼聯名宿，佢傾向理性批判，唔會玩私怨，都唔會嘩眾取寵。無論以前場內定而家場外，佢都毫不掩飾對球隊既熱愛，所以咪深得球迷歡心囉。球員時代既艾夫拿為曼聯建樹良多，退役之後既佢，對球隊既愛都絲毫不減。佢好強調所有曼聯球員都有責任了解球隊歷史，因為咁先會有歸屬感，先會為着起呢件波衫而自豪，先會喺球場上付出所有。芸芸眾多曼聯名宿同舊將入面，佢都可以話係no.1 die hard fan，啫係一日係曼聯人，一世都會係紅魔鬼嗰隻。唔係點會離開左接近十年，都仲咁有心成日出post，同球迷同喜同悲。做球員嗰陣，為球隊立下汗馬功勞；做球迷嗰陣，對球隊堅決不離不棄，試問曼聯球迷又點會唔中意佢呢？
〈昔日的最佳左閘，今日的忠實擁躉: 曼聯名宿艾夫拿〉
人稱「前鋒華」既曼聯後防名宿艾夫拿，對球迷嚟講應該一d都唔陌生，例如佢中過C朗雞胸既伏，係朴智星既好兄弟，同埋比蘇亞雷斯種族歧視，仲有效力馬賽既時候起飛腳自己球迷等。法國藉既佢，喺塞內加爾出世，司職左閘，佢喺2006年1月由摩納哥加盟曼聯，係曼聯近年最出色後衞之一。 06-07球季，係24歲既艾夫拿喺曼聯既debut season。當時正選左閘軒斯飽受傷患困擾，因此艾夫拿一加盟就有唔少上陣機會，喺球隊亦逐漸站穩陣腳，慢慢進佔正選位置。佢踢法攻強於守，係當時少數以進攻為主既閘位球員。踢順腳左閘既佢，擅長側擊傳中，有良好傳球視野，速度飛快，體能優異。佢work rate同攻守覆蓋率都係上乘，仲係勤力得嚟又有球商既後防大將。佢具備截擊能力同補位意識，有着強壯體格，單防單防守都毫不輸蝕。就算得1米73，佢制空力都唔算差。憑着亮眼表現，即使全季只係上陣左24場，艾夫拿依然入選英超PFA Team of the Year。之後艾夫拿就成為曼聯攻守方面都不可或缺既主力。佢亦develop新技能，擔當角球戰術進攻點，不過唔係斬波，只係入楔接應傳中頂頭槌嗰個。 09-10球季，佢更加喺英超38場賽事全勤，仲首次以曼聯隊長身份捧走聯賽盃。佢效力曼聯呢段時間，贏得五次英超(06-09、10-11、12-13)，同埋一次歐聯冠軍(07-08)，仲有幾個本土盃賽，同隊友合力造就球隊輝煌盛世。可惜喺2014年7月，艾夫拿決定尋求新挑戰，結束九年紅魔鬼生涯，轉投祖雲達斯。離隊之際，佢多次感謝傳奇領隊費sir信任同教導，費sir都盛讚佢獨特既領袖氣質。之後佢曾經回歸法國效力馬賽，再重返英超加盟韋斯咸，最後喺2019年以38歲之齡，為職業生涯畫上句號。退役之後，艾夫拿仍然非常關注曼聯近況，佢Instagram關於舊東隊既posts多不勝數。最為人津津樂道既，就係喺曼聯贏左曼市打吡之外，拍片唱Don’t Look Back in Anger改詞版(主唱Oasis喺曼城球迷)慶祝。今季曼聯對陣阿仙奴同巴塞之前，佢都有向班師弟分享心得同為佢地打氣。佢亦一直支持領隊坦克，即使曼聯今季唔止一次經歷大敗，佢都鼓勵球迷要對佢保持耐性同信心，等佢帶領球隊重回正軌。艾夫拿又經常發表賽後評論，一針見血咁指出球隊或球員既不足之處，例如肯定般奴球技既同時，勉勵佢要改下d乞人憎既脾氣同身體語言。比起唔少曼聯名宿，佢傾向理性批判，唔會玩私怨，都唔會嘩眾取寵。無論以前場內定而家場外，佢都毫不掩飾對球隊既熱愛，所以咪深得球迷歡心囉。球員時代既艾夫拿為曼聯建樹良多，退役之後既佢，對球隊既愛都絲毫不減。佢好強調所有曼聯球員都有責任了解球隊歷史，因為咁先會有歸屬感，先會為着起呢件波衫而自豪，先會喺球場上付出所有。芸芸眾多曼聯名宿同舊將入面，佢都可以話係no.1 die hard fan，啫係一日係曼聯人，一世都會係紅魔鬼嗰隻。唔係點會離開左接近十年，都仲咁有心成日出post，同球迷同喜同悲。做球員嗰陣，為球隊立下汗馬功勞；做球迷嗰陣，對球隊堅決不離不棄，試問曼聯球迷又點會唔中意佢呢？
〈放手一搏的勇氣: 紅玫瑰曼聯之勝利〉
短短幾日，英超就連續上演兩次紅白玫瑰之戰。「首循環」曼聯喺主場憑住福仔同辛祖既入球，迫和列斯聯。「次循環」曼聯作客艾蘭路球場，傷兵滿營加上球員疲乏，喺不被睇好之下，以2:0擊倒對手。今場曼聯捱過慘不忍睹既頭60分鐘，最後憑住出色既戰術同換人調動，先扭轉局勢得以取勝。 1. 關鍵換人，立竿見影成場波既轉捩點，係坦克喺61分鐘用利辛度馬天尼斯入替馬拉西亞。曼聯今場輪換哂一對中堅，冇錯的確可以比佢地有充足休息。可惜換嚟既係成個中後場都冇人比倒長傳去組織攻勢，加上列斯聯喺三閘線遮線，令曼聯冇辦法喺中路傳直線上去，配以邊路不惜氣力咁逼搶，連兩翼側擊都有困難。因此，曼聯早段只能不停喺後場回傳，連過半場都困難，唔好話殺入attacking third。不過換入馬天尼斯之後，梳爾打返熱悉既左閘，成個形勢即刻唔同哂。馬天尼斯除左地面搓傳之外，仲可以放長波比福仔打對手中堅身後。至於比起技術略嫌幼嫩既馬拉西亞，梳爾喺左路就多好多向前推進同疊瓦，仲交出一球靚傳中造就福仔入波。此外，喺對手後防體力逐漸下降，減少逼搶之下，加拿祖既速度同突破能力就大派用場，更加貢獻燕梳球，為曼聯鎖定勝局。2. 角色轉換，效果顯著馬斯亞長期倦勤，借將韋賀斯臨危受命攻堅。身高1米97既佢，一路都係擔任正中鋒，運用背身護球同set back去為隊友製作入球機會。但受制於列斯聯後場唔錯既制空力之下，加上本身前場供應好少，佢表現得患得患失。喺加拿祖入替出任左翼之後，坦克做左個好大膽既決定：安排韋賀斯墮後去中場。喺劣勢之下，放棄高中鋒支點，改為增加中場人手去創造攻勢，再推福仔想去做前場自由人快速突擊。結果韋賀斯成功加強中場反搶，做倒playmaking轉守為攻，勤力跑動亦換嚟入波機會。呢份改變既勇氣，就為球隊帶嚟勝利。齋睇比數以為曼聯輕取對手，有睇場波就知道今仗勝利得來不易。面對主場球迷不斷嘲笑慕尼黑空難，贏波更加別具意義。起初坦克接掌曼聯教鞭，受到唔少批評。面對無數質疑聲音，佢一步一步建立自己風格，球隊成績亦穩步上揚。雖然以現時表現，曼聯仲未夠能力同歐洲列強分庭抗禮，好似呢場波就揭露晒中場串連欠奉、後防球員組織力弱、後備兵源不足等問題。尤其防守方面，麥佳亞保持麥麥送本色，連番贈送控球權比對手。但要出奇制勝，就要有放手一搏既勇氣，坦克就踏出左好好既一步啦。不過下次唔該唔好再出麥佳亞，以後都唔好。
〈放手一搏的勇氣: 紅玫瑰曼聯之勝利〉
短短幾日，英超就連續上演兩次紅白玫瑰之戰。「首循環」曼聯喺主場憑住福仔同辛祖既入球，迫和列斯聯。「次循環」曼聯作客艾蘭路球場，傷兵滿營加上球員疲乏，喺不被睇好之下，以2:0擊倒對手。今場曼聯捱過慘不忍睹既頭60分鐘，最後憑住出色既戰術同換人調動，先扭轉局勢得以取勝。 1. 關鍵換人，立竿見影成場波既轉捩點，係坦克喺61分鐘用利辛度馬天尼斯入替馬拉西亞。曼聯今場輪換哂一對中堅，冇錯的確可以比佢地有充足休息。可惜換嚟既係成個中後場都冇人比倒長傳去組織攻勢，加上列斯聯喺三閘線遮線，令曼聯冇辦法喺中路傳直線上去，配以邊路不惜氣力咁逼搶，連兩翼側擊都有困難。因此，曼聯早段只能不停喺後場回傳，連過半場都困難，唔好話殺入attacking third。不過換入馬天尼斯之後，梳爾打返熱悉既左閘，成個形勢即刻唔同哂。馬天尼斯除左地面搓傳之外，仲可以放長波比福仔打對手中堅身後。至於比起技術略嫌幼嫩既馬拉西亞，梳爾喺左路就多好多向前推進同疊瓦，仲交出一球靚傳中造就福仔入波。此外，喺對手後防體力逐漸下降，減少逼搶之下，加拿祖既速度同突破能力就大派用場，更加貢獻燕梳球，為曼聯鎖定勝局。2. 角色轉換，效果顯著馬斯亞長期倦勤，借將韋賀斯臨危受命攻堅。身高1米97既佢，一路都係擔任正中鋒，運用背身護球同set back去為隊友製作入球機會。但受制於列斯聯後場唔錯既制空力之下，加上本身前場供應好少，佢表現得患得患失。喺加拿祖入替出任左翼之後，坦克做左個好大膽既決定：安排韋賀斯墮後去中場。喺劣勢之下，放棄高中鋒支點，改為增加中場人手去創造攻勢，再推福仔想去做前場自由人快速突擊。結果韋賀斯成功加強中場反搶，做倒playmaking轉守為攻，勤力跑動亦換嚟入波機會。呢份改變既勇氣，就為球隊帶嚟勝利。齋睇比數以為曼聯輕取對手，有睇場波就知道今仗勝利得來不易。面對主場球迷不斷嘲笑慕尼黑空難，贏波更加別具意義。起初坦克接掌曼聯教鞭，受到唔少批評。面對無數質疑聲音，佢一步一步建立自己風格，球隊成績亦穩步上揚。雖然以現時表現，曼聯仲未夠能力同歐洲列強分庭抗禮，好似呢場波就揭露晒中場串連欠奉、後防球員組織力弱、後備兵源不足等問題。尤其防守方面，麥佳亞保持麥麥送本色，連番贈送控球權比對手。但要出奇制勝，就要有放手一搏既勇氣，坦克就踏出左好好既一步啦。不過下次唔該唔好再出麥佳亞，以後都唔好。
〈綻放盛開的紅玫瑰: 阿倫史密夫〉
球迷一生，總有一個球員，令你全情投入咁愛上足球。有個生於曼聯輝煌年代既人，資質平庸，球技一般，偏偏係好多追隨者眼中既蓋世英雄。佢，就係阿倫史密夫。 佢係一個反叛不羈既後生仔，梳個mk金毛飛機頭，硬朗得嚟飛沙劈石，十足十漫畫主角咁。2004年既佢，年少氣盛但雄心壯志，決心要成為受萬人景仰既傳奇。佢喺曼聯既地標戰，係社區盾對阿仙奴。雖然曼聯1:3輸左，但佢射入一球世界波，然後就開展左人生既新一頁，準備迎接職業生涯既高峰，以「熱血紅魔」既形象，俘虜萬千球迷既心。只係呢個漫畫主角既足球夢，並唔係一帆風順。當年曼聯鋒綫人才輩出，阿倫史密夫冇辦法爭倒一席正選位置。但費sir欣賞佢既熱血拼勁，毅然決意將佢改造成防守中場，接替堅尼鎮守曼聯中路。一剷、兩剷、三剷，無論跌低幾多次，都會爬返起身，直至剷走對方球波為止。就算佢唔再係鎂光燈下既焦點，仍然拼了所有，斷氣方休，仍然係打不死既「熱血紅魔」。可惜阿倫史密夫不單止冇主角光環，仲係悲劇收場。2006年2月18日，大概係版主自有記憶以嚟，第一次為陌生人喊既日子。嗰日係足總盃對利物浦既賽事，嗰個勇字行頭，喺球場上下下去到盡既佢，奮不顧身咁擋住對手既勁射。一擋就脛骨骨折，一抖就抖足一年。呢一次去到盡，亦都令到佢既高峰去到盡頭。當時佢只係得26歲。但係阿倫史密夫冇放棄到足球。重傷之後，佢黯然離開曼聯，去到紐卡素，繼續行佢既球員路。雖然交唔出預期既好表現，但熱血依舊，拼勁依然。輾轉之下，佢去到低組別聯賽，以球員兼教練既身份，喺綠茵場上從未停步。你睇倒佢星宿殞落，我睇倒佢發光發熱。只可惜阿倫史密夫最後都唔能夠成為萬人景仰既傳奇。話咁快佢已經離開左曼聯十五年，亦喺三年前低調退役。不過佢一早就已經喺球迷心目中，留低左永不磨滅既印記。雖然佢既青春，一早就隨住時代巨輪，好似曼聯既盛世咁，慢慢逝去。人無千日好，花無百日紅。阿倫史密夫就係一朵紅玫瑰，喺綻放盛開之時，喺夢劇場刻畫左最美好既年華。球迷一生，總有一個球員，令你全情投入咁愛上足球。從此之後，足球就成為左你生命中不可或缺既一部分。版主眼中既蓋世英雄，係曼聯一朵綻放盛開既紅玫瑰。佢個名叫做，阿倫史密夫。
〈綻放盛開的紅玫瑰: 阿倫史密夫〉
球迷一生，總有一個球員，令你全情投入咁愛上足球。有個生於曼聯輝煌年代既人，資質平庸，球技一般，偏偏係好多追隨者眼中既蓋世英雄。佢，就係阿倫史密夫。 佢係一個反叛不羈既後生仔，梳個mk金毛飛機頭，硬朗得嚟飛沙劈石，十足十漫畫主角咁。2004年既佢，年少氣盛但雄心壯志，決心要成為受萬人景仰既傳奇。佢喺曼聯既地標戰，係社區盾對阿仙奴。雖然曼聯1:3輸左，但佢射入一球世界波，然後就開展左人生既新一頁，準備迎接職業生涯既高峰，以「熱血紅魔」既形象，俘虜萬千球迷既心。只係呢個漫畫主角既足球夢，並唔係一帆風順。當年曼聯鋒綫人才輩出，阿倫史密夫冇辦法爭倒一席正選位置。但費sir欣賞佢既熱血拼勁，毅然決意將佢改造成防守中場，接替堅尼鎮守曼聯中路。一剷、兩剷、三剷，無論跌低幾多次，都會爬返起身，直至剷走對方球波為止。就算佢唔再係鎂光燈下既焦點，仍然拼了所有，斷氣方休，仍然係打不死既「熱血紅魔」。可惜阿倫史密夫不單止冇主角光環，仲係悲劇收場。2006年2月18日，大概係版主自有記憶以嚟，第一次為陌生人喊既日子。嗰日係足總盃對利物浦既賽事，嗰個勇字行頭，喺球場上下下去到盡既佢，奮不顧身咁擋住對手既勁射。一擋就脛骨骨折，一抖就抖足一年。呢一次去到盡，亦都令到佢既高峰去到盡頭。當時佢只係得26歲。但係阿倫史密夫冇放棄到足球。重傷之後，佢黯然離開曼聯，去到紐卡素，繼續行佢既球員路。雖然交唔出預期既好表現，但熱血依舊，拼勁依然。輾轉之下，佢去到低組別聯賽，以球員兼教練既身份，喺綠茵場上從未停步。你睇倒佢星宿殞落，我睇倒佢發光發熱。只可惜阿倫史密夫最後都唔能夠成為萬人景仰既傳奇。話咁快佢已經離開左曼聯十五年，亦喺三年前低調退役。不過佢一早就已經喺球迷心目中，留低左永不磨滅既印記。雖然佢既青春，一早就隨住時代巨輪，好似曼聯既盛世咁，慢慢逝去。人無千日好，花無百日紅。阿倫史密夫就係一朵紅玫瑰，喺綻放盛開之時，喺夢劇場刻畫左最美好既年華。球迷一生，總有一個球員，令你全情投入咁愛上足球。從此之後，足球就成為左你生命中不可或缺既一部分。版主眼中既蓋世英雄，係曼聯一朵綻放盛開既紅玫瑰。佢個名叫做，阿倫史密夫。
〈意義重大之勝利〉
曼聯finally英超開齋，唔係靠符碌入人一球之後901，而係技術性擊倒對手，喺雙紅會護級大戰擊敗利物浦。盛傳來季好大機會要跌落英冠既落難豪門紅魔鬼，終於唔使再排榜尾，亦都憑住今場賽事響起勝鼓，goal of the month唔使局揀烏龍球啦。 今仗勝利既重大收穫，係知道坦克並唔係一成不變，而係會就球員特性同對手打法去調整戰術。對住主攻球隊，唔再沉迷雜亂無章既高壓逼搶，唔再執着東施效顰既傳控同後場組織。今場改打低位防反，效果立竿見影。簡單d講啫係變返COVID-19前既打法。嗱，摩daddy又中。以一個唔係名帥，又唔係曼聯自己紅褲子出身既教練嚟講，球迷最怕就係鎮唔住更衣室。今場坦克收起狀態未足又深受轉會傳聞困擾既C朗，雖然問心賭贏左就係正確選擇，但至少佩服佢有去賭既勇氣。對住極具爭勝心既世界級球星，比d危險感佢，話唔定下場就大爆發。(Btw，C朗琴晚後備入替之後都有唔少機會。如果佢願意改變角色，表現分分鐘好過佢勉強場場正選，又可以繼續刷數據。)經歷上兩場防守全面崩潰，坦克果斷棄用麥佳亞同梳爾呢對災難級孖寶。梳爾呢兩季表現都乏善足陳，今季頭兩場攻守不備，後上回防瓣瓣都冇，其實佢先係全隊最差嗰個；麥佳亞本身信心同能力問題唔再多講，總之真係真係真係唔好要佢打高位逼搶，唔好要佢喺後場組織攻勢。馬天尼斯今場發揮出色，一大原因係唔使幫防守時經常失位既梳爾執漏。加上，右路換上經驗同路數都豐富得多既華拉尼，亦都時時可以提點達洛特，整體防守自然得以改善。今場贏波之所以意義重大，除左真係挽救就嚟跌到落谷既士氣，仲係曼聯未來打法既啟示。當年高Q大棍，以前tiki taka，到而家高壓逼搶，其實都唔係咩必勝戰術。球場上唯一真理，只有「適合」兩隻字。改變係要經歷陣痛，但逼搶完冇人成功運球上前，防守球員連波都未控得定，繼續咁打落去，下下單靠個別球員神來之筆，或者齋打士氣波，你估係帶領曼聯重回正軌，還是係一場就打回原形吖嗱？堅持「高壓逼搶+後場組織」，定係回歸基本步「低位防守+快速反擊」再train多個plan b死球戰術，呢個decision好大機會會決定坦克既命運。最後，雙紅會贏波就緊係J到盡啦。你慌如果今場係利物浦贏，利迷唔會鋪天蓋地咁笑曼聯咩。同埋，曼聯贏利物浦，有邊一次唔J啫，隊冧最憎嗰隊喎，幾時都咁興奮架啦。
〈意義重大之勝利〉
曼聯finally英超開齋，唔係靠符碌入人一球之後901，而係技術性擊倒對手，喺雙紅會護級大戰擊敗利物浦。盛傳來季好大機會要跌落英冠既落難豪門紅魔鬼，終於唔使再排榜尾，亦都憑住今場賽事響起勝鼓，goal of the month唔使局揀烏龍球啦。 今仗勝利既重大收穫，係知道坦克並唔係一成不變，而係會就球員特性同對手打法去調整戰術。對住主攻球隊，唔再沉迷雜亂無章既高壓逼搶，唔再執着東施效顰既傳控同後場組織。今場改打低位防反，效果立竿見影。簡單d講啫係變返COVID-19前既打法。嗱，摩daddy又中。以一個唔係名帥，又唔係曼聯自己紅褲子出身既教練嚟講，球迷最怕就係鎮唔住更衣室。今場坦克收起狀態未足又深受轉會傳聞困擾既C朗，雖然問心賭贏左就係正確選擇，但至少佩服佢有去賭既勇氣。對住極具爭勝心既世界級球星，比d危險感佢，話唔定下場就大爆發。(Btw，C朗琴晚後備入替之後都有唔少機會。如果佢願意改變角色，表現分分鐘好過佢勉強場場正選，又可以繼續刷數據。)經歷上兩場防守全面崩潰，坦克果斷棄用麥佳亞同梳爾呢對災難級孖寶。梳爾呢兩季表現都乏善足陳，今季頭兩場攻守不備，後上回防瓣瓣都冇，其實佢先係全隊最差嗰個；麥佳亞本身信心同能力問題唔再多講，總之真係真係真係唔好要佢打高位逼搶，唔好要佢喺後場組織攻勢。馬天尼斯今場發揮出色，一大原因係唔使幫防守時經常失位既梳爾執漏。加上，右路換上經驗同路數都豐富得多既華拉尼，亦都時時可以提點達洛特，整體防守自然得以改善。今場贏波之所以意義重大，除左真係挽救就嚟跌到落谷既士氣，仲係曼聯未來打法既啟示。當年高Q大棍，以前tiki taka，到而家高壓逼搶，其實都唔係咩必勝戰術。球場上唯一真理，只有「適合」兩隻字。改變係要經歷陣痛，但逼搶完冇人成功運球上前，防守球員連波都未控得定，繼續咁打落去，下下單靠個別球員神來之筆，或者齋打士氣波，你估係帶領曼聯重回正軌，還是係一場就打回原形吖嗱？堅持「高壓逼搶+後場組織」，定係回歸基本步「低位防守+快速反擊」再train多個plan b死球戰術，呢個decision好大機會會決定坦克既命運。最後，雙紅會贏波就緊係J到盡啦。你慌如果今場係利物浦贏，利迷唔會鋪天蓋地咁笑曼聯咩。同埋，曼聯贏利物浦，有邊一次唔J啫，隊冧最憎嗰隊喎，幾時都咁興奮架啦。