19UPFOOTBALL
終破作客不勝魔咒 爭四之旅似乎樂觀？
作客不易，作客般尼茅夫更不易，曼聯今場「上半迫搶、下半反擊」嘅Game Plan藍圖，個人認為係成功嘅，但個別球員狀態真係搞唔掂。曼聯整體表現後半季跌watt問題越嚟越令人不安。之前話中後場傷兵多都仲有得抵賴，今場前場三鋒頭Martial、Sancho同Antony，特別係前二者出賽根本唔算頻繁，竟然有活力不足嘅問題。般尼茅夫防守擺明打low block，非常依靠前場球員跑動去拉扯空位，結果Martial打箭頭一心想好似同Rashford打左翼時咁換位踢，但Sancho無居中嘅能力又唔想理佢，結果兩個就決定唔郁…最燥嗰球其實係入波嗰下。Eriksen喺禁區頂作勢斬入去，一路等一路等一路等，足足兩三秒時間竟然可以無人理佢——Martial散步式由十二碼點行返出嚟，完全無前插嘅意慾，Bruno、Antony亦無意嘗試跑動。喂大佬，第八分鐘咋。好彩Casemiro嗰下意會到前插走位，最後射波嗰下精彩，更抵讚嘅係佢走埋班前鋒嗰份。講走位，今場要讚嘅仲係Wan-Bissaka。世界盃返嚟之後，佢好似同上半季嘅Dalot靈魂交換咁。再加埋佢嘅體力上乘，上半場好幾下就係靠佢（嘅走動）帶返生右路同Antony嘅路線。去到下半場，後備入替嘅Garnacho比Sancho表現更佳，特別有幾下直接挑戰般尼茅夫右路防線，有成功有失敗，但最緊要係比人知你下下唔會原地delay等支援。當然，咁樣比較唔公平嘅，Ten Hag係睇準般尼茅夫開始想進攻嘅時機，後場有更多空位先換入Garnacho用速度爆破，Sancho上半場嘅工作係以保持形狀迫搶為主。點都好，曼聯全取三分後，打少場領先第五名嘅利物浦三分，「爭四」之路尚餘一分就大功告成。
終破作客不勝魔咒 爭四之旅似乎樂觀？
作客不易，作客般尼茅夫更不易，曼聯今場「上半迫搶、下半反擊」嘅Game Plan藍圖，個人認為係成功嘅，但個別球員狀態真係搞唔掂。曼聯整體表現後半季跌watt問題越嚟越令人不安。之前話中後場傷兵多都仲有得抵賴，今場前場三鋒頭Martial、Sancho同Antony，特別係前二者出賽根本唔算頻繁，竟然有活力不足嘅問題。般尼茅夫防守擺明打low block，非常依靠前場球員跑動去拉扯空位，結果Martial打箭頭一心想好似同Rashford打左翼時咁換位踢，但Sancho無居中嘅能力又唔想理佢，結果兩個就決定唔郁…最燥嗰球其實係入波嗰下。Eriksen喺禁區頂作勢斬入去，一路等一路等一路等，足足兩三秒時間竟然可以無人理佢——Martial散步式由十二碼點行返出嚟，完全無前插嘅意慾，Bruno、Antony亦無意嘗試跑動。喂大佬，第八分鐘咋。好彩Casemiro嗰下意會到前插走位，最後射波嗰下精彩，更抵讚嘅係佢走埋班前鋒嗰份。講走位，今場要讚嘅仲係Wan-Bissaka。世界盃返嚟之後，佢好似同上半季嘅Dalot靈魂交換咁。再加埋佢嘅體力上乘，上半場好幾下就係靠佢（嘅走動）帶返生右路同Antony嘅路線。去到下半場，後備入替嘅Garnacho比Sancho表現更佳，特別有幾下直接挑戰般尼茅夫右路防線，有成功有失敗，但最緊要係比人知你下下唔會原地delay等支援。當然，咁樣比較唔公平嘅，Ten Hag係睇準般尼茅夫開始想進攻嘅時機，後場有更多空位先換入Garnacho用速度爆破，Sancho上半場嘅工作係以保持形狀迫搶為主。點都好，曼聯全取三分後，打少場領先第五名嘅利物浦三分，「爭四」之路尚餘一分就大功告成。
Garndcho復出即入波 曼聯爭四路重回正軌
早排 BLnaze的足球札記 先講起，咁多隊夏天轉會策略，曼聯應該算係數一數二難諗。原因係整體運作又唔算好差，但好好又唔算係，又唔係話有邊個位算明顯弱點，但後備兵力表現又有啲差距，呢啲真係最難搞。今場波其實大致都係呢個問題，Ten Hag嘅曼聯好講求球員位置流動性，大量走位同位置轉換——但現實唔係咁易。即使未至於去到「全能足球」咁款，對球員各方面嘅技術要求都唔會低。曼聯嘅情況大概係，球員唔算有明顯弱點，但個個都唔夠全能，一換位就做唔到任務，唔換位就連任務都無得做。缺少Rashford呢個finisher，Ten Hag可能想將呢個任務分散出去，Martial自然係最有能力嘅人，但因為戰術系統要求箭頭大量策應工作，於是佢傳下、跑下，最後連射門前嘅走位都唔夠力做… 仲未計Bruno踢到街場咁，有位就走，結果finisher任務最常見就落到Antony身上。個人覺得大家唔可以單純因為佢「失機連連」去怪責佢，之前講過佢應該係推進者(progressor)，今場波佢中場推進貢獻極大，但當佢又要兼顧final third嘅任務（無論Ten Hag有無呢個原意都一樣，反正Antony就係想入波），而今場大約有四、五球去到佢腳下嘅big chance、half chance，往往就會喺不明所以嘅情況下做出奇怪決定、傳唔準、射唔中，繼而無辦法入波。搞笑嘅係Garnacho後備入替Sancho，話比你知好簡單︰人哋打高位，你跑得快就自然有機會… 於是一射一中一入球，Antony搞咗成場幾廿次掂波，好彩都叫做有個助攻，但final third嚟講，Rashford同Garnacho在陣真係好好多丫嘛…場波除咗Garnacho、Varane復出，表現計查實又無咩值得好高興，又唔係踢得好，不過又係嗰句，三分已袋，剩下三場聯賽拋離第五位嘅利物浦4分，輸波嘅熱刺正式無緣前四，戰果嚟講nothing much to complain。
Garndcho復出即入波 曼聯爭四路重回正軌
早排 BLnaze的足球札記 先講起，咁多隊夏天轉會策略，曼聯應該算係數一數二難諗。原因係整體運作又唔算好差，但好好又唔算係，又唔係話有邊個位算明顯弱點，但後備兵力表現又有啲差距，呢啲真係最難搞。今場波其實大致都係呢個問題，Ten Hag嘅曼聯好講求球員位置流動性，大量走位同位置轉換——但現實唔係咁易。即使未至於去到「全能足球」咁款，對球員各方面嘅技術要求都唔會低。曼聯嘅情況大概係，球員唔算有明顯弱點，但個個都唔夠全能，一換位就做唔到任務，唔換位就連任務都無得做。缺少Rashford呢個finisher，Ten Hag可能想將呢個任務分散出去，Martial自然係最有能力嘅人，但因為戰術系統要求箭頭大量策應工作，於是佢傳下、跑下，最後連射門前嘅走位都唔夠力做… 仲未計Bruno踢到街場咁，有位就走，結果finisher任務最常見就落到Antony身上。個人覺得大家唔可以單純因為佢「失機連連」去怪責佢，之前講過佢應該係推進者(progressor)，今場波佢中場推進貢獻極大，但當佢又要兼顧final third嘅任務（無論Ten Hag有無呢個原意都一樣，反正Antony就係想入波），而今場大約有四、五球去到佢腳下嘅big chance、half chance，往往就會喺不明所以嘅情況下做出奇怪決定、傳唔準、射唔中，繼而無辦法入波。搞笑嘅係Garnacho後備入替Sancho，話比你知好簡單︰人哋打高位，你跑得快就自然有機會… 於是一射一中一入球，Antony搞咗成場幾廿次掂波，好彩都叫做有個助攻，但final third嚟講，Rashford同Garnacho在陣真係好好多丫嘛…場波除咗Garnacho、Varane復出，表現計查實又無咩值得好高興，又唔係踢得好，不過又係嗰句，三分已袋，剩下三場聯賽拋離第五位嘅利物浦4分，輸波嘅熱刺正式無緣前四，戰果嚟講nothing much to complain。
曼聯近期最佳表現之一 三線發揮俱佳下險勝
好難得有場波咁多嘢可以讚，實在感動。今仗曼聯上半場嘅壓迫應該係本球季最佳表現之一。個契機（pressing trigger）搵得啱，迫搶時間一致，中後場亦有相應follow through。每次阿士東維拉後場組織運球去到邊路位置（所謂嘅Zone 1 & Zone 3），曼聯就會動用箭頭Rashford加任兩翼之一嘅Sancho或Bruno封鎖傳球路線並對持球者施壓，後面嘅兩閘、邊中場（特別搶眼嘅係係Sabitzer）就會針對維拉三線過闊繼而cover長傳選擇，淨計上半場因迫搶重奪球權之數不下五、六次。另外值得慶賀嘅係曼聯繼「馬卡靴」（Mata、Carrick、Herrera）組合之後，終於搵到適合打4-3-3嘅三人組合。今季曼聯通常會喺Casemiro+Eriksen雙防中之間再增加一個進攻中場（Bruno為主）形成4-2-3-1，今場嘅4-3-3喺呢兩人以外增添Sabitzer——但佢加貼近一個box-to-box嘅打法（傳說中Pogba理應打到嘅位置）去紓暖Eriksen嘅防守工作，亦有一定前插能力助攻。而Sabitzer今場不負所託，好幾球喺後場幫手堵塞咗兩閘同中堅之間嘅空位，進攻上亦有建樹。再講講game management，Ten Hag明顯係有汲取到前幾場Eriksen因狀態體能未十足而被換走後中場失勢嘅教訓。雖然馬後炮，但我同我賽前見到正選名單後嘅想法相似——Antony先任後備，係為咗換走Eriksen時保留中場透過兩側progression嘅能力，同埋節奏控制嘅能力。事實係嘛，你望下曼聯中前場︰Bruno、Fred、Sabitzer，以至Rashford同Sancho，有邊個拎波唔係即刻向前比或向前跑而會拖慢少少個波？講笑咁講，Antony用嚟自轉嘅時間，喺Eriksen缺陣下突然變得好重要；又，Eriksen缺陣嗰排，曼聯嘅中場progression幾乎係無咗Antony不可的。最後講埋中堅，Lindelof同Shaw嘅組合打得越嚟越好，今場特別係面對擅於走L字位同有一定速度嘅Watkins，Shaw嘅速度同閘位防守意識今場都算完勝咗對手。好多人「關心」Maguire傷癒復出會唔會失去中堅位置正選，個人認為，真正嘅決定性因素係Dalot/Malacia打左閘嘅效果有無比Shaw打中堅來得差，主導權可能唔喺Maguire本人度了…
曼聯近期最佳表現之一 三線發揮俱佳下險勝
好難得有場波咁多嘢可以讚，實在感動。今仗曼聯上半場嘅壓迫應該係本球季最佳表現之一。個契機（pressing trigger）搵得啱，迫搶時間一致，中後場亦有相應follow through。每次阿士東維拉後場組織運球去到邊路位置（所謂嘅Zone 1 & Zone 3），曼聯就會動用箭頭Rashford加任兩翼之一嘅Sancho或Bruno封鎖傳球路線並對持球者施壓，後面嘅兩閘、邊中場（特別搶眼嘅係係Sabitzer）就會針對維拉三線過闊繼而cover長傳選擇，淨計上半場因迫搶重奪球權之數不下五、六次。另外值得慶賀嘅係曼聯繼「馬卡靴」（Mata、Carrick、Herrera）組合之後，終於搵到適合打4-3-3嘅三人組合。今季曼聯通常會喺Casemiro+Eriksen雙防中之間再增加一個進攻中場（Bruno為主）形成4-2-3-1，今場嘅4-3-3喺呢兩人以外增添Sabitzer——但佢加貼近一個box-to-box嘅打法（傳說中Pogba理應打到嘅位置）去紓暖Eriksen嘅防守工作，亦有一定前插能力助攻。而Sabitzer今場不負所託，好幾球喺後場幫手堵塞咗兩閘同中堅之間嘅空位，進攻上亦有建樹。再講講game management，Ten Hag明顯係有汲取到前幾場Eriksen因狀態體能未十足而被換走後中場失勢嘅教訓。雖然馬後炮，但我同我賽前見到正選名單後嘅想法相似——Antony先任後備，係為咗換走Eriksen時保留中場透過兩側progression嘅能力，同埋節奏控制嘅能力。事實係嘛，你望下曼聯中前場︰Bruno、Fred、Sabitzer，以至Rashford同Sancho，有邊個拎波唔係即刻向前比或向前跑而會拖慢少少個波？講笑咁講，Antony用嚟自轉嘅時間，喺Eriksen缺陣下突然變得好重要；又，Eriksen缺陣嗰排，曼聯嘅中場progression幾乎係無咗Antony不可的。最後講埋中堅，Lindelof同Shaw嘅組合打得越嚟越好，今場特別係面對擅於走L字位同有一定速度嘅Watkins，Shaw嘅速度同閘位防守意識今場都算完勝咗對手。好多人「關心」Maguire傷癒復出會唔會失去中堅位置正選，個人認為，真正嘅決定性因素係Dalot/Malacia打左閘嘅效果有無比Shaw打中堅來得差，主導權可能唔喺Maguire本人度了…
熱刺下半場及時回勇 曼聯被連追兩球情有可原？
用最簡單嘅方式總結比賽︰上半場係一盤散沙 vs 一支正常球隊；下半場係一支正常球隊 vs 一堆殘弱疲兵。熱刺上半場嘅表現差到唔使評，成堆中後場儼如雪糕筒，曼聯前場四個球員拎波都可以企定定零pressure，中場線同消失咗無分別。最抵死係曼聯第二個入球，Dier由起始位置、防守間距、身體面向、遮線選項全部都係錯…下半場熱刺起碼有返基本隊形，但形勢開始傾向主隊係由曼聯換走Eriksen同Sancho開始。Fred同Martial兩個出嚟表現可以用差嚟形容，但曼聯失勢嘅原因更大係單純「Eriksen不在場上」。Eriksen對曼聯最大嘅貢獻係調度比賽節奏，幾時要快傳、幾時要慢傳，低風險控球在腳定嘗試一啲風險高啲嘅直接傳球，眾所周知（正常嘅）熱刺最叻就係打transition，Eriksen不在場就注定曼聯失去控制比賽節奏嘅能力（因為包括Fred嘅其他中場全部都做唔到，甚至Bruno都唔係嗰回事，同埋佢都係啱啱傷癒），熱刺可以打反擊嘅次數大增；Fred同Martial兩個都唔少失誤亦加劇局勢扭轉。實好多球迷會質疑點解仲要換走Eriksen？傷癒復出無耐，本身狀態已經不足，最直接就係體能問題；同樣地，剛過去嘅足總盃四強對白禮頓場波踢足120分鐘，直接消耗埋陣中唔少球員嘅體能儲備——即使唔係個個踢足，要知道場波嘅戰術運用極耗體力。同樣嘅事發生喺尋晚白禮頓作客森林嘅比賽（大家睇住榜首大戰其實我雙開睇哂全場），白禮頓上半場都仲勉強好地地，下半場體力斷崖式崩盤，集中力、準繩度同活力都出現頗大落差。仲要唔好忘記，後場四條友除咗Wan Bissaka叫做正選，其餘三個都係後備或者唔係打緊自己擅長位置。選擇Fred入替可能係無可避免嘅「錯誤」（Sabitzer同樣傷癒狀態成疑），後來Weghorst上陣塞返住中路，算係亡羊補牢嘅stop gap手段最終見效。可以理解曼迷嘅frustration，同時我都好諒解Ten Hag選擇實在唔多。而下半場局勢發展急劇轉差嘅情況下，坦白講最後無被人反cup我都偷笑…結果而言，最後拎唔足三分理應對曼聯爭四嘅局勢影響不算太大，反而熱刺就保留住爭歐洲賽嘅主導權，歐霸定歐協聯就要睇埋利物浦、維拉同白禮頓嘅表現了。
熱刺下半場及時回勇 曼聯被連追兩球情有可原？
用最簡單嘅方式總結比賽︰上半場係一盤散沙 vs 一支正常球隊；下半場係一支正常球隊 vs 一堆殘弱疲兵。熱刺上半場嘅表現差到唔使評，成堆中後場儼如雪糕筒，曼聯前場四個球員拎波都可以企定定零pressure，中場線同消失咗無分別。最抵死係曼聯第二個入球，Dier由起始位置、防守間距、身體面向、遮線選項全部都係錯…下半場熱刺起碼有返基本隊形，但形勢開始傾向主隊係由曼聯換走Eriksen同Sancho開始。Fred同Martial兩個出嚟表現可以用差嚟形容，但曼聯失勢嘅原因更大係單純「Eriksen不在場上」。Eriksen對曼聯最大嘅貢獻係調度比賽節奏，幾時要快傳、幾時要慢傳，低風險控球在腳定嘗試一啲風險高啲嘅直接傳球，眾所周知（正常嘅）熱刺最叻就係打transition，Eriksen不在場就注定曼聯失去控制比賽節奏嘅能力（因為包括Fred嘅其他中場全部都做唔到，甚至Bruno都唔係嗰回事，同埋佢都係啱啱傷癒），熱刺可以打反擊嘅次數大增；Fred同Martial兩個都唔少失誤亦加劇局勢扭轉。實好多球迷會質疑點解仲要換走Eriksen？傷癒復出無耐，本身狀態已經不足，最直接就係體能問題；同樣地，剛過去嘅足總盃四強對白禮頓場波踢足120分鐘，直接消耗埋陣中唔少球員嘅體能儲備——即使唔係個個踢足，要知道場波嘅戰術運用極耗體力。同樣嘅事發生喺尋晚白禮頓作客森林嘅比賽（大家睇住榜首大戰其實我雙開睇哂全場），白禮頓上半場都仲勉強好地地，下半場體力斷崖式崩盤，集中力、準繩度同活力都出現頗大落差。仲要唔好忘記，後場四條友除咗Wan Bissaka叫做正選，其餘三個都係後備或者唔係打緊自己擅長位置。選擇Fred入替可能係無可避免嘅「錯誤」（Sabitzer同樣傷癒狀態成疑），後來Weghorst上陣塞返住中路，算係亡羊補牢嘅stop gap手段最終見效。可以理解曼迷嘅frustration，同時我都好諒解Ten Hag選擇實在唔多。而下半場局勢發展急劇轉差嘅情況下，坦白講最後無被人反cup我都偷笑…結果而言，最後拎唔足三分理應對曼聯爭四嘅局勢影響不算太大，反而熱刺就保留住爭歐洲賽嘅主導權，歐霸定歐協聯就要睇埋利物浦、維拉同白禮頓嘅表現了。
與白禮頓120分鐘無入球 曼聯憑互射十二碼晉級
睇完場波，我最大感受係︰寫貓紙比De Gea條友一定係內鬼嚟。睇得出曼聯有部署過十二碼訓練，個個球員 （可能除咗Sabitzer）行埋十二碼點都好有信心，Lindelof抽筋都仲射到死角波出嚟，唔會係僥倖。由季初輸比白禮頓，到今日白禮頓狀態正勇之時可以同對手踢到平分秋色（雖然場波觀感上悶咗啲），你可以話曼聯未重拾皇者光采，但唔可以否認球隊進步緊。見好多人公海鬧點解加時下半場換走哂啲識射十二碼嘅人，大佬個個都鐵人咩… 唔好唔記得曼聯由一月到而家，唔計國際賽周期基本上無間斷一周雙賽。你估對白禮頓體能易頂架咩…曼聯出線固然開心，部份嘅我仍為白禮頓無法打入決賽感到可惜。事實上白禮頓後備兵源相對大球會一定比較薄弱，延長戰真係打道氣多過打板凳，March、三笘薰去到加時都仲有一段仔爆下，但去到最後嗰腳嘅控制都顯得吃力——呢樣嘢又顯得福仔勁，110分鐘都仲有腳波接應長傳痴到實再拉弓勁射，之餘，仲無抽筋。最後fun fact︰曼聯同曼城將會係史上第一次喺主要賽事決賽碰頭，真係估唔到。
與白禮頓120分鐘無入球 曼聯憑互射十二碼晉級
睇完場波，我最大感受係︰寫貓紙比De Gea條友一定係內鬼嚟。睇得出曼聯有部署過十二碼訓練，個個球員 （可能除咗Sabitzer）行埋十二碼點都好有信心，Lindelof抽筋都仲射到死角波出嚟，唔會係僥倖。由季初輸比白禮頓，到今日白禮頓狀態正勇之時可以同對手踢到平分秋色（雖然場波觀感上悶咗啲），你可以話曼聯未重拾皇者光采，但唔可以否認球隊進步緊。見好多人公海鬧點解加時下半場換走哂啲識射十二碼嘅人，大佬個個都鐵人咩… 唔好唔記得曼聯由一月到而家，唔計國際賽周期基本上無間斷一周雙賽。你估對白禮頓體能易頂架咩…曼聯出線固然開心，部份嘅我仍為白禮頓無法打入決賽感到可惜。事實上白禮頓後備兵源相對大球會一定比較薄弱，延長戰真係打道氣多過打板凳，March、三笘薰去到加時都仲有一段仔爆下，但去到最後嗰腳嘅控制都顯得吃力——呢樣嘢又顯得福仔勁，110分鐘都仲有腳波接應長傳痴到實再拉弓勁射，之餘，仲無抽筋。最後fun fact︰曼聯同曼城將會係史上第一次喺主要賽事決賽碰頭，真係估唔到。
次回合再度豪氣送禮 曼聯八強霸氣出局
兩回合五個失波有四球都係送，出局真係自己攞嚟。無Bruno、無一隊正選中堅、左路英格蘭雙子剛傷癒先列後備，正選都有幾個狀態未十足，西維爾盃作客西維爾，賽前早就預咗難踢，但都係嗰句，出局都唔好踢得咁差丫。De Gea嘅弱點一再被暴露於人前。第一球輸視野同判斷（兼陷Maguire於不義，當然Maguire自己都有責任），第三球直頭係腳下功夫出哂事。如無意外曼聯會同佢續約，只求人工曼聯可以壓多少少價（讓出更多薪酬空間比另一個門將人選）。缺少Bruno整條中場線完全無穿透力，Casemiro同Eriksen可能因為早早落後，唔知點解踢到好急燥，好多不必要嘅誤傳，當然西維爾喺中場中嘅部署抵讚嘅，但曼聯更多係輸自己... 全場被撳住砌，氣勢輸、場面輸，比數梗係輸。唉我仲要因為呢場垃圾波深宵食咗包薯片... 除咗心理，物理傷害甚大...
次回合再度豪氣送禮 曼聯八強霸氣出局
兩回合五個失波有四球都係送，出局真係自己攞嚟。無Bruno、無一隊正選中堅、左路英格蘭雙子剛傷癒先列後備，正選都有幾個狀態未十足，西維爾盃作客西維爾，賽前早就預咗難踢，但都係嗰句，出局都唔好踢得咁差丫。De Gea嘅弱點一再被暴露於人前。第一球輸視野同判斷（兼陷Maguire於不義，當然Maguire自己都有責任），第三球直頭係腳下功夫出哂事。如無意外曼聯會同佢續約，只求人工曼聯可以壓多少少價（讓出更多薪酬空間比另一個門將人選）。缺少Bruno整條中場線完全無穿透力，Casemiro同Eriksen可能因為早早落後，唔知點解踢到好急燥，好多不必要嘅誤傳，當然西維爾喺中場中嘅部署抵讚嘅，但曼聯更多係輸自己... 全場被撳住砌，氣勢輸、場面輸，比數梗係輸。唉我仲要因為呢場垃圾波深宵食咗包薯片... 除咗心理，物理傷害甚大...