19UPFOOTBALL
正視聽：曼迷不應怪責Antony
公海包括曼聯專頁有唔少人認為「Antony用rainbow過人挑釁對手令對手憤怒引起衝突，間接累Casemiro紅牌出場」。有感而發。我最大疑惑係：點解rainbow過人係就要被鬧？印象中第一次聽呢種言論係Neymar喺法甲用rainbow過人，被球証以黃牌警告。即使我唔鍾意Neymar，但我覺得成件事係智障。Rainbow係一種花式技巧，本身並無違反體育精神嘅意思，成功咪就係有效嘅過人方式囉，而且仲好型。後衛自己技不如人被過，點解就叫挑釁、不獲尊重？施丹轉身算唔算挑釁？朗拿甸奴牛尾巴算唔算？直角假身算唔算？插花算唔算？其實扭過對手、入波、對手都會唔開心，點解單獨係rainbow呢種過人方式特別受人譴責？會唔會只係被過嘅人自尊心太薄弱？退一步，就算Antony有意挑釁對手，咁又點。挑釁從來都係比賽一部份嚟，君不見場上幾多球員瘋狂trash talk？未必光彩，但只要行為本身無涉及犯規動作，球例不會予以阻嚇，甚至，假如成功引到對手動手繼而被罰，可以算係成功嘅戰術。Schlupp抵唔住頸動手推佢，係Schlupp嘅問題，佢應該受到制裁，Antony嚴格嚟講係戰術成功，亦係暴力嘅受害者；同樣Casemiro疑似叉頸，都係佢自己控制自己肢體動作嘅責任，點解Antony嘅一次嘗試突破（雖然唔成功），就要佢要承受Casemiro衝動嘅責任？（喺度先唔討論Casemiro係咪真係有叉頸、同埋其他水晶宮球員嘅疑似打人動作）作為邊隊球迷都好，我唔會去怪責自己球員（更何況佢今日打得唔錯），咁樣完完全全係blame the victim嘅所為...
正視聽：曼迷不應怪責Antony
公海包括曼聯專頁有唔少人認為「Antony用rainbow過人挑釁對手令對手憤怒引起衝突，間接累Casemiro紅牌出場」。有感而發。我最大疑惑係：點解rainbow過人係就要被鬧？印象中第一次聽呢種言論係Neymar喺法甲用rainbow過人，被球証以黃牌警告。即使我唔鍾意Neymar，但我覺得成件事係智障。Rainbow係一種花式技巧，本身並無違反體育精神嘅意思，成功咪就係有效嘅過人方式囉，而且仲好型。後衛自己技不如人被過，點解就叫挑釁、不獲尊重？施丹轉身算唔算挑釁？朗拿甸奴牛尾巴算唔算？直角假身算唔算？插花算唔算？其實扭過對手、入波、對手都會唔開心，點解單獨係rainbow呢種過人方式特別受人譴責？會唔會只係被過嘅人自尊心太薄弱？退一步，就算Antony有意挑釁對手，咁又點。挑釁從來都係比賽一部份嚟，君不見場上幾多球員瘋狂trash talk？未必光彩，但只要行為本身無涉及犯規動作，球例不會予以阻嚇，甚至，假如成功引到對手動手繼而被罰，可以算係成功嘅戰術。Schlupp抵唔住頸動手推佢，係Schlupp嘅問題，佢應該受到制裁，Antony嚴格嚟講係戰術成功，亦係暴力嘅受害者；同樣Casemiro疑似叉頸，都係佢自己控制自己肢體動作嘅責任，點解Antony嘅一次嘗試突破（雖然唔成功），就要佢要承受Casemiro衝動嘅責任？（喺度先唔討論Casemiro係咪真係有叉頸、同埋其他水晶宮球員嘅疑似打人動作）作為邊隊球迷都好，我唔會去怪責自己球員（更何況佢今日打得唔錯），咁樣完完全全係blame the victim嘅所為...
Casemiro領經停賽3場 曼聯險勝卻折兵
Casemiro領紅後，睇到Ten Hag用咗少少時間去思考要點樣轉陣死守，顯然喺十人戰術嘅準備上，可以理解地唔太充足。審視形勢後，決定擺出5-3-1陣式，換走有可能喺陣地戰中位置感不足嘅Wan-Bissaka，改以Lindelof打右閘，另外果斷換走後備入替不久嘅Garnacho，棄二閘換入Maguire保中路。結果論而言是成功並且抵讚嘅。即使缺乏Casemiro，幸運嘅係借入咗Sabitzer。之前一直話佢係Eriksen嘅替補，但如果對比比賽數據，佢今年喺拜仁嘅貢獻更接近Casemiro而非Eriksen。相信未來三場聯賽（兩對列斯聯、主場對李斯特城），假如McTominay未復出，有可能以Sabitzer拍檔Fred鎮守中場。本來戰況無咩特別好講，最多講水晶宮下半場防守結構有進步，但曼聯嘅進攻運作越來越暢通，點知突然搞啲咁嘅嘢... 咁樣對心臟不好啊
Casemiro領經停賽3場 曼聯險勝卻折兵
Casemiro領紅後，睇到Ten Hag用咗少少時間去思考要點樣轉陣死守，顯然喺十人戰術嘅準備上，可以理解地唔太充足。審視形勢後，決定擺出5-3-1陣式，換走有可能喺陣地戰中位置感不足嘅Wan-Bissaka，改以Lindelof打右閘，另外果斷換走後備入替不久嘅Garnacho，棄二閘換入Maguire保中路。結果論而言是成功並且抵讚嘅。即使缺乏Casemiro，幸運嘅係借入咗Sabitzer。之前一直話佢係Eriksen嘅替補，但如果對比比賽數據，佢今年喺拜仁嘅貢獻更接近Casemiro而非Eriksen。相信未來三場聯賽（兩對列斯聯、主場對李斯特城），假如McTominay未復出，有可能以Sabitzer拍檔Fred鎮守中場。本來戰況無咩特別好講，最多講水晶宮下半場防守結構有進步，但曼聯嘅進攻運作越來越暢通，點知突然搞啲咁嘅嘢... 咁樣對心臟不好啊
總比數五球大勝 聯賽盃決賽將對紐卡素
. 場波無咩觀看性，一嚟實力差距，二嚟本身曼聯首回合領先緊三球，森林作客奧脫福要大炒曼聯先可以出線，爭勝心態坦言有啲薄弱。少少觀察係，曼聯無咗Eriksen，喺推進時嘅傳球質素大打折扣——Fred整體唔係唔好，仲有波入添，但係呢方面始終唔係Eriksen嘅級數。 . 贏波都要怒罵球証。今個星期曼聯啲盃賽球証全部都幾離譜。上場Eriksen被踢斷腳又唔吹罰，今場Weghorst喺禁區被踢跌呢個100%嘅十二碼竟然都可以唔吹，VAR又可以唔介入。Howard Webb嘅指揮下，VAR越改越差，痴線，原來真係有得再差啲。 . Sancho回歸，表現老實講就一般，觸覺同節奏都好似比隊友慢咗一拍咁（但場波已經慢到傻），睇嚟同佢變返playable仲有少少距離。 . 點都好，入決賽！2月26號對紐卡素，應該會係場非常精彩嘅決賽！
總比數五球大勝 聯賽盃決賽將對紐卡素
. 場波無咩觀看性，一嚟實力差距，二嚟本身曼聯首回合領先緊三球，森林作客奧脫福要大炒曼聯先可以出線，爭勝心態坦言有啲薄弱。少少觀察係，曼聯無咗Eriksen，喺推進時嘅傳球質素大打折扣——Fred整體唔係唔好，仲有波入添，但係呢方面始終唔係Eriksen嘅級數。 . 贏波都要怒罵球証。今個星期曼聯啲盃賽球証全部都幾離譜。上場Eriksen被踢斷腳又唔吹罰，今場Weghorst喺禁區被踢跌呢個100%嘅十二碼竟然都可以唔吹，VAR又可以唔介入。Howard Webb嘅指揮下，VAR越改越差，痴線，原來真係有得再差啲。 . Sancho回歸，表現老實講就一般，觸覺同節奏都好似比隊友慢咗一拍咁（但場波已經慢到傻），睇嚟同佢變返playable仲有少少距離。 . 點都好，入決賽！2月26號對紐卡素，應該會係場非常精彩嘅決賽！
點估到係你？Casemiro梅開二度助曼聯晉級
面對英冠排中下游嘅雷丁，幾乎full team出戰嘅曼聯從第一分鐘已經開始以實力輾壓對手，上半場球員未能早早取得入球有啲心急，最後一腳嘅決定就越嚟越唔理性，半場未能領先係欠運嘅。下半場走動其實亂咗，反而憑Casemiro入波打開缺口，之後就順了。.中後段前英超射手Andy Carroll兩黃一紅被逐，曼聯換入幾位小將Garnacho、Pellistri、Elanga、Mainoo汲取經驗，老實講佢哋幾個對住雷丁（個人觀察踢落似英甲多過英冠）都唔覺得特別超班，算係一種signal話比大家知佢哋真係未ready同埋點解唔一早出佢哋....驚喜嘅係Wan-Bissaka，進攻能力嚟講係麻麻，今場勝在勤力，進攻時係啱嘅時間識得跑向啲啱嘅位置，既然有進步，特此表揚。.贏波後，曼聯成功晉級第五圈。
點估到係你？Casemiro梅開二度助曼聯晉級
面對英冠排中下游嘅雷丁，幾乎full team出戰嘅曼聯從第一分鐘已經開始以實力輾壓對手，上半場球員未能早早取得入球有啲心急，最後一腳嘅決定就越嚟越唔理性，半場未能領先係欠運嘅。下半場走動其實亂咗，反而憑Casemiro入波打開缺口，之後就順了。.中後段前英超射手Andy Carroll兩黃一紅被逐，曼聯換入幾位小將Garnacho、Pellistri、Elanga、Mainoo汲取經驗，老實講佢哋幾個對住雷丁（個人觀察踢落似英甲多過英冠）都唔覺得特別超班，算係一種signal話比大家知佢哋真係未ready同埋點解唔一早出佢哋....驚喜嘅係Wan-Bissaka，進攻能力嚟講係麻麻，今場勝在勤力，進攻時係啱嘅時間識得跑向啲啱嘅位置，既然有進步，特此表揚。.贏波後，曼聯成功晉級第五圈。
《專題分析》現代閘位球員指南2023——Dalot先係曼聯最強一環？!
. 喺最近小弟嘅文章亦不只一次講過，曼聯右閘位置有Dalot在陣，相比Wan-Bissaka更能提升曼聯整體表現。今次閘位球員嘅專題 （係長文啊...），講Dalot之前可以先講幾位近年為人津津樂道嘅閘位球員︰Robertson、Alexander-Arnold、同左閘版本嘅Cancelo。 . ＃當年利物浦的高效能邊路雙核 . 有別於以往以適量overlapping為主要助攻手段嘅傳統閘衛，名單頭兩位效力利物浦嘅左右二閘喺最近幾季收錄極高效率輸出，所謂high energy踢法嘅二閘除咗講求覆蓋率同跑動，使二人頻繁參與進攻外，作為利物浦主要推進嘅核心，其中右閘Alexander-Arnold更不時切入至half space位置組織攻勢、或者作出致命最後一傳。當年Klopp嘅二閘孖寶，被認為已經帶動咗「閘位球員嘅新標準」。 . 然而利物浦二閘上前進攻時，身後必然遺留空位，唔少球隊對陣利物浦時就會以反擊專攻呢個暴露出嚟嘅空間。大眾經常責怪「Alexander-Arnold唔識防守」，其實更大程度係Klopp戰術要求二閘助攻頻率非常高，問題更應該問戰術如何使其他球員保護二閘進攻時嘅身後空間（例如用中場遮線、中堅外移等），情況有少少似大家無理由走去怪一個龍門遠射唔夠好入唔到波咁（當然呢個比喻誇張咗，重點係穩健防守並不在Klopp給予TAA嘅指示之列）。 . ＃逆翼衛的戰術作用 . 哥帥如何應用其麾下嘅Cancelo，喺前季又引起咗有關閘位球員嘅話題。比起「傳統」打overlapping嘅閘位球員喺進攻時沿外圍為翼位球員拉空位，打左閘時嘅Cancelo屬於Inverted Wingback嘅踢法，球隊進攻時更頻繁地內收，企位更似一個防守中場般嘅存在。呢度所講嘅「防守中場」並不限於對防守嘅貢獻——當然，設置一位IWB對於大部份踢單防中嘅球隊而言，係能夠直接為球隊防守帶來一定穩定性。 . 以球隊踢4-1-2-3為例，當兩位進攻中場配合三位前鋒作五路進攻時，身後假如只得一位防中做pivot，不論係回收皮球再組織攻勢、抑或係作為Transition to defence嘅第一道屏障，風險都非常高；現今球隊流行喺進攻時於後場呈現3-2排陣，以double pivot去協助前場進攻嘅球員轉邊、回收皮球、甚至喺大軍壓境時成為另一把劏穿對手防線嘅尖刀。Inverted Wingback嘅好處就係容許球隊喺中場設置兩個進攻型中場嘅同時，以額外嘅人腳喺中場設置double pivot。Cancelo打Inverted Wingback嘅好處係佢嘅位置感、視野俱佳，作為一個偽防中、偽攻中時，佢都可以交足功課；至於佢打右閘時點解可以打得咁差，又係另一個問題… . ＃溝埋嚟做瀨尿牛丸唔一定笨但一定唔易 . 以上兩種「新式」閘位打法，有無辦法二合為一呢？雖然咁講好似吹到好大，但Dalot喺適當嘅戰術配置下，有能力做到。 . 首先了解Dalot呢位球員嘅特性︰防守位置感佳、進攻走動佳、決策能力不俗、速度不俗、技術不俗、視野一般、傳中能力一般；如果要求佢打類似Trippier呢種傳統疊馬落底傳中嘅右閘，傳中質素欠奉；如果單純叫佢內收做double...
《專題分析》現代閘位球員指南2023——Dalot先係曼聯最強一環？!
. 喺最近小弟嘅文章亦不只一次講過，曼聯右閘位置有Dalot在陣，相比Wan-Bissaka更能提升曼聯整體表現。今次閘位球員嘅專題 （係長文啊...），講Dalot之前可以先講幾位近年為人津津樂道嘅閘位球員︰Robertson、Alexander-Arnold、同左閘版本嘅Cancelo。 . ＃當年利物浦的高效能邊路雙核 . 有別於以往以適量overlapping為主要助攻手段嘅傳統閘衛，名單頭兩位效力利物浦嘅左右二閘喺最近幾季收錄極高效率輸出，所謂high energy踢法嘅二閘除咗講求覆蓋率同跑動，使二人頻繁參與進攻外，作為利物浦主要推進嘅核心，其中右閘Alexander-Arnold更不時切入至half space位置組織攻勢、或者作出致命最後一傳。當年Klopp嘅二閘孖寶，被認為已經帶動咗「閘位球員嘅新標準」。 . 然而利物浦二閘上前進攻時，身後必然遺留空位，唔少球隊對陣利物浦時就會以反擊專攻呢個暴露出嚟嘅空間。大眾經常責怪「Alexander-Arnold唔識防守」，其實更大程度係Klopp戰術要求二閘助攻頻率非常高，問題更應該問戰術如何使其他球員保護二閘進攻時嘅身後空間（例如用中場遮線、中堅外移等），情況有少少似大家無理由走去怪一個龍門遠射唔夠好入唔到波咁（當然呢個比喻誇張咗，重點係穩健防守並不在Klopp給予TAA嘅指示之列）。 . ＃逆翼衛的戰術作用 . 哥帥如何應用其麾下嘅Cancelo，喺前季又引起咗有關閘位球員嘅話題。比起「傳統」打overlapping嘅閘位球員喺進攻時沿外圍為翼位球員拉空位，打左閘時嘅Cancelo屬於Inverted Wingback嘅踢法，球隊進攻時更頻繁地內收，企位更似一個防守中場般嘅存在。呢度所講嘅「防守中場」並不限於對防守嘅貢獻——當然，設置一位IWB對於大部份踢單防中嘅球隊而言，係能夠直接為球隊防守帶來一定穩定性。 . 以球隊踢4-1-2-3為例，當兩位進攻中場配合三位前鋒作五路進攻時，身後假如只得一位防中做pivot，不論係回收皮球再組織攻勢、抑或係作為Transition to defence嘅第一道屏障，風險都非常高；現今球隊流行喺進攻時於後場呈現3-2排陣，以double pivot去協助前場進攻嘅球員轉邊、回收皮球、甚至喺大軍壓境時成為另一把劏穿對手防線嘅尖刀。Inverted Wingback嘅好處就係容許球隊喺中場設置兩個進攻型中場嘅同時，以額外嘅人腳喺中場設置double pivot。Cancelo打Inverted Wingback嘅好處係佢嘅位置感、視野俱佳，作為一個偽防中、偽攻中時，佢都可以交足功課；至於佢打右閘時點解可以打得咁差，又係另一個問題… . ＃溝埋嚟做瀨尿牛丸唔一定笨但一定唔易 . 以上兩種「新式」閘位打法，有無辦法二合為一呢？雖然咁講好似吹到好大，但Dalot喺適當嘅戰術配置下，有能力做到。 . 首先了解Dalot呢位球員嘅特性︰防守位置感佳、進攻走動佳、決策能力不俗、速度不俗、技術不俗、視野一般、傳中能力一般；如果要求佢打類似Trippier呢種傳統疊馬落底傳中嘅右閘，傳中質素欠奉；如果單純叫佢內收做double...
《聯賽盃四強︰諾定咸森林 0-3 曼聯》全場完
. 睇精華嘅球迷未必好覺，但今場曼聯即使贏波，無論係球員嘅個人發揮、定係球隊整體表現其實頗一般。特別喺領先一球之後，曼聯想放慢節奏，但森林又未至於毫無反擊之力，於是曼聯上半場有好一段時間處於非常被動、三線距離被拉開、但慳唔到力嘅狀況。 . 球員個別狀態亦令球隊一度踢得相當吃力。Antony自我孤立令身邊隊友難以配合、Lindelof、Casemiro兩位無喺週末對阿仙奴上陣嘅球員都有低級犯錯、Eriksen亦早早於上半場已經出現疲態；後備入替嘅兩位小將Garnacho同Pellistri就更加無甚建樹。另外必須再講，Wan-Bissaka位置感真係非常差。即使近年Inverted Wingback掀起潮流，並唔係每一個球員都有力擔任呢個角色，而一個位置感差嘅球員打普通閘位已經有問題，作為IWB就更加相形見拙；相對之下，Dalot攻守嘅企位同決定合理得多。 . Weghorst取得入球希望可以為佢帶嚟信心，今個post突登揀佢做封面。不論有無入球，佢嘅串連以至防務意識為Ten Hag嘅體系帶來更強穩定性。淨係識話佢慢嘅球迷，要好好地望下人哋貢獻咗幾多喇喂。 . 曼聯對上三屆聯賽盃，有兩次打入四強，兩次都輸曼城出局。今年開咗個靚頭，希望下星期次回合比賽可以踢好少少，兼且晉級決賽吧。 . 《聯賽盃四強︰諾定咸森林 0-3 曼聯》全場完
《聯賽盃四強︰諾定咸森林 0-3 曼聯》全場完
. 睇精華嘅球迷未必好覺，但今場曼聯即使贏波，無論係球員嘅個人發揮、定係球隊整體表現其實頗一般。特別喺領先一球之後，曼聯想放慢節奏，但森林又未至於毫無反擊之力，於是曼聯上半場有好一段時間處於非常被動、三線距離被拉開、但慳唔到力嘅狀況。 . 球員個別狀態亦令球隊一度踢得相當吃力。Antony自我孤立令身邊隊友難以配合、Lindelof、Casemiro兩位無喺週末對阿仙奴上陣嘅球員都有低級犯錯、Eriksen亦早早於上半場已經出現疲態；後備入替嘅兩位小將Garnacho同Pellistri就更加無甚建樹。另外必須再講，Wan-Bissaka位置感真係非常差。即使近年Inverted Wingback掀起潮流，並唔係每一個球員都有力擔任呢個角色，而一個位置感差嘅球員打普通閘位已經有問題，作為IWB就更加相形見拙；相對之下，Dalot攻守嘅企位同決定合理得多。 . Weghorst取得入球希望可以為佢帶嚟信心，今個post突登揀佢做封面。不論有無入球，佢嘅串連以至防務意識為Ten Hag嘅體系帶來更強穩定性。淨係識話佢慢嘅球迷，要好好地望下人哋貢獻咗幾多喇喂。 . 曼聯對上三屆聯賽盃，有兩次打入四強，兩次都輸曼城出局。今年開咗個靚頭，希望下星期次回合比賽可以踢好少少，兼且晉級決賽吧。 . 《聯賽盃四強︰諾定咸森林 0-3 曼聯》全場完