19UPFOOTBALL
Antony貢獻首個助攻 曼聯重回聯賽第三位
曼聯竟然喺列強失分週順利贏波，實在嚇一跳——而且仲要見到Dalot今季第一個英超入球同Antony第一個英超助攻，喺三份一隊正選傷停嘅情況下，兼又要面對對方門將上身（今次係Navas），見到唔同嘅球員step up and perform算係一件值得安慰嘅事。 Dalot打左閘效果不錯並不意外，喺葡萄牙國家隊佢打呢類嘅位置收獲入球亦非新鮮事，之前都有分析過Dalot好喜歡喺中路underlap/cut in入禁區，今季都好多呢啲畫面，今次終於把握到機會入波，坦白講，早就應該入到波啦。反而係希望Ten Hag見到Dalot原來左閘都ok，中短期唔好再用Malacia喇… 我留意咗Antony一排，其實佢一直以嚟對曼聯推進皮球嘅貢獻係好重要，所以曼聯無佢嘅比賽往往會踢得好辛苦，問題係一入到最後final third就會變得好迷惘。直至近幾場波開始見到啲final third decision好返啲，係嘅——即使仲係好多右路half space curl遠柱嘅波（唔入），但正正係因為佢做得夠多呢個動作，開始吸引到對方防線繼而喺另一啲地方失位。把唔把握到呢啲空間係Antony本人嘅決定、同埋曼聯隊友走位有無配合到嘅結果，假如隊友都一心「睇你表演」就放棄走位，咁Antony嘅final third就永遠只能係浪射了。 Maguire同Lindelof嘅組合喺開賽早段依然叫人膽戰心驚，Maguire上半場角球嘅手球，個人認為係漏判十二碼，最後走得甩係有啲運氣，但隨後、特別係Lindelof，表現係唔錯。De Gea反而係今場曼聯眾球員中表現令我最失望嘅一個，面對對面擺明針對性嘅貼門角球，去到應對第四、五個傳中波都仲未見到有任何改善。我喜歡De Gea呢個球員，亦希望佢留隊，但我越嚟越相信自己季初嘅評價︰曼聯可能比想像中更早需要考慮門將位置嘅繼任人選。
Antony貢獻首個助攻 曼聯重回聯賽第三位
曼聯竟然喺列強失分週順利贏波，實在嚇一跳——而且仲要見到Dalot今季第一個英超入球同Antony第一個英超助攻，喺三份一隊正選傷停嘅情況下，兼又要面對對方門將上身（今次係Navas），見到唔同嘅球員step up and perform算係一件值得安慰嘅事。 Dalot打左閘效果不錯並不意外，喺葡萄牙國家隊佢打呢類嘅位置收獲入球亦非新鮮事，之前都有分析過Dalot好喜歡喺中路underlap/cut in入禁區，今季都好多呢啲畫面，今次終於把握到機會入波，坦白講，早就應該入到波啦。反而係希望Ten Hag見到Dalot原來左閘都ok，中短期唔好再用Malacia喇… 我留意咗Antony一排，其實佢一直以嚟對曼聯推進皮球嘅貢獻係好重要，所以曼聯無佢嘅比賽往往會踢得好辛苦，問題係一入到最後final third就會變得好迷惘。直至近幾場波開始見到啲final third decision好返啲，係嘅——即使仲係好多右路half space curl遠柱嘅波（唔入），但正正係因為佢做得夠多呢個動作，開始吸引到對方防線繼而喺另一啲地方失位。把唔把握到呢啲空間係Antony本人嘅決定、同埋曼聯隊友走位有無配合到嘅結果，假如隊友都一心「睇你表演」就放棄走位，咁Antony嘅final third就永遠只能係浪射了。 Maguire同Lindelof嘅組合喺開賽早段依然叫人膽戰心驚，Maguire上半場角球嘅手球，個人認為係漏判十二碼，最後走得甩係有啲運氣，但隨後、特別係Lindelof，表現係唔錯。De Gea反而係今場曼聯眾球員中表現令我最失望嘅一個，面對對面擺明針對性嘅貼門角球，去到應對第四、五個傳中波都仲未見到有任何改善。我喜歡De Gea呢個球員，亦希望佢留隊，但我越嚟越相信自己季初嘅評價︰曼聯可能比想像中更早需要考慮門將位置嘅繼任人選。
Pickford力挽汪瀾 9個撲救仍敗陣奧脫福
與其話曼聯嘅針對性部署有效，反而係愛華頓整個上半場都無因應自己嘅漏洞作調整更加恐怖。曼聯上半場以後場長傳製造嘅單刀攻門最少有四次，要不是愛華頓門將Pickford今場嘅一對一防守卓越，面對半場已有21次射門嘅曼聯分分鐘半場已經落後四、五球。咁落去，到底愛華頓係咪真係有能力留喺英超…？講返主隊，今場值得點名評價嘅球員有兩人，一係出任「防中」位置嘅Bruno——特別喺下半季Casemiro、Eriksen缺陣，而且McTominay、Sabitzer、Fred任二組合嘅表現皆不理想嘅情況下，Bruno並唔係第一次出任防中位置，坦白講一直以嚟嘅表現都係幾差。Bruno防守位置感、攔截力絕對唔係兩位世界級中場嗰皮，加上佢習慣性具創造力（同時具風險）嘅傳球選擇，如放於後半場絕對係曼聯一大隱憂（雖則場場都爆一次以上，嚴格嚟講已經唔算「隱」），但今場表現又幾好喎。當然好大原因係愛華頓今場進攻根本無乜喺中場施加壓力，其次係佢都真係踢得成熟咗，唔執著於通透、穿透力嘅波，而係簡單嘅左右分配幫球隊「出波」，其實已經好稱職。此外，今場Bruno踢防中最impressive嘅係因為曼聯有唔少長傳急攻嘅鏡頭，Bruno放喺後場就更加有價值。
Pickford力挽汪瀾 9個撲救仍敗陣奧脫福
與其話曼聯嘅針對性部署有效，反而係愛華頓整個上半場都無因應自己嘅漏洞作調整更加恐怖。曼聯上半場以後場長傳製造嘅單刀攻門最少有四次，要不是愛華頓門將Pickford今場嘅一對一防守卓越，面對半場已有21次射門嘅曼聯分分鐘半場已經落後四、五球。咁落去，到底愛華頓係咪真係有能力留喺英超…？講返主隊，今場值得點名評價嘅球員有兩人，一係出任「防中」位置嘅Bruno——特別喺下半季Casemiro、Eriksen缺陣，而且McTominay、Sabitzer、Fred任二組合嘅表現皆不理想嘅情況下，Bruno並唔係第一次出任防中位置，坦白講一直以嚟嘅表現都係幾差。Bruno防守位置感、攔截力絕對唔係兩位世界級中場嗰皮，加上佢習慣性具創造力（同時具風險）嘅傳球選擇，如放於後半場絕對係曼聯一大隱憂（雖則場場都爆一次以上，嚴格嚟講已經唔算「隱」），但今場表現又幾好喎。當然好大原因係愛華頓今場進攻根本無乜喺中場施加壓力，其次係佢都真係踢得成熟咗，唔執著於通透、穿透力嘅波，而係簡單嘅左右分配幫球隊「出波」，其實已經好稱職。此外，今場Bruno踢防中最impressive嘅係因為曼聯有唔少長傳急攻嘅鏡頭，Bruno放喺後場就更加有價值。
「瘋狂四分鐘」領三紅 富咸斷送出線機會
富咸一直表現極佳，壓住曼聯嚟踢，終於憑Mitrovic喺一次角球攻勢打開紀錄。然後70分鐘因為一次Willian用手護空門，VAR介入時領隊Marco Silva因喺場邊鬧球証領紅；球証睇完片後決定請Willian食全餐；繼而輪到入球功臣Mitrovic又因為對球証批肘加鬧球証申請離場。四分鐘內三張紅牌兼輸十二碼，Bruno射入，九人應戰下曼聯Sabitzer再入一球，曼聯毫無說服力下贏波… 坦白講呢啲波好慘但無得唔咁吹。參考案例係2021年季初車路士對利物浦嘅比賽，Recce James同樣喺門前「波打手」，但因為隻手收得唔夠埋而無奈食全餐。呢球Willian情形有少少似——調返轉講，呢啲位後衛隻手撞走個射門嚟講，你真係要100%收埋哂成隻手先「有機會」唔使食全餐… 小弟敢講判決係非常合理。至於Mitrovic，個人推測佢除咗批肘，應該講中埋keywords先被球証趕出場，呢啲賽後報告出爐自有分曉。 真係非常痴線嘅一場比賽，一個犯規同判決嘅連鎖反應完完全全改變整個形勢同結果。 晉級後，曼聯將會喺四強面對白禮頓爭入決賽。 重溫Recce James手球事件︰ https://twitter.com/SkySports/status/1431859408506556419 Willian & Mitrovic紅牌︰ https://dubz.co/video/a17761
「瘋狂四分鐘」領三紅 富咸斷送出線機會
富咸一直表現極佳，壓住曼聯嚟踢，終於憑Mitrovic喺一次角球攻勢打開紀錄。然後70分鐘因為一次Willian用手護空門，VAR介入時領隊Marco Silva因喺場邊鬧球証領紅；球証睇完片後決定請Willian食全餐；繼而輪到入球功臣Mitrovic又因為對球証批肘加鬧球証申請離場。四分鐘內三張紅牌兼輸十二碼，Bruno射入，九人應戰下曼聯Sabitzer再入一球，曼聯毫無說服力下贏波… 坦白講呢啲波好慘但無得唔咁吹。參考案例係2021年季初車路士對利物浦嘅比賽，Recce James同樣喺門前「波打手」，但因為隻手收得唔夠埋而無奈食全餐。呢球Willian情形有少少似——調返轉講，呢啲位後衛隻手撞走個射門嚟講，你真係要100%收埋哂成隻手先「有機會」唔使食全餐… 小弟敢講判決係非常合理。至於Mitrovic，個人推測佢除咗批肘，應該講中埋keywords先被球証趕出場，呢啲賽後報告出爐自有分曉。 真係非常痴線嘅一場比賽，一個犯規同判決嘅連鎖反應完完全全改變整個形勢同結果。 晉級後，曼聯將會喺四強面對白禮頓爭入決賽。 重溫Recce James手球事件︰ https://twitter.com/SkySports/status/1431859408506556419 Willian & Mitrovic紅牌︰ https://dubz.co/video/a17761
歐霸八強抽籤結果 曼聯再遇西甲球隊
曼聯喺附加賽同十六強先後淘汰巴塞隆拿、皇家貝迪斯兩支西甲球隊，八強又抽中「主辦單位」西維爾。假如成功出線更會對陣祖雲達斯、剛淘汰阿仙奴嘅士砵亭之間嘅勝方。坦白講曼聯今年歐洲賽籤運認真麻麻… 但如果有幸入到決賽、對摩佬嘅羅馬，又好似幾夢幻喎 Blu波pen 私底下同我講笑，話唔贏大名球隊點服眾，喂… 其實真係唔使搞咁多嘢，我曼皇者氣派自然而然，服唔服眾呢啲嘢好死架啫，求其比堆google隊我哋贏隻米奇老鼠盃返去可以了 圖片來源︰Sporting News
歐霸八強抽籤結果 曼聯再遇西甲球隊
曼聯喺附加賽同十六強先後淘汰巴塞隆拿、皇家貝迪斯兩支西甲球隊，八強又抽中「主辦單位」西維爾。假如成功出線更會對陣祖雲達斯、剛淘汰阿仙奴嘅士砵亭之間嘅勝方。坦白講曼聯今年歐洲賽籤運認真麻麻… 但如果有幸入到決賽、對摩佬嘅羅馬，又好似幾夢幻喎 Blu波pen 私底下同我講笑，話唔贏大名球隊點服眾，喂… 其實真係唔使搞咁多嘢，我曼皇者氣派自然而然，服唔服眾呢啲嘢好死架啫，求其比堆google隊我哋贏隻米奇老鼠盃返去可以了 圖片來源︰Sporting News
Casemiro再度領紅 半場形勢不樂觀
好少忍唔住半場出post。上半場三個判決對曼聯不利，先有Casemiro由黃變直紅、兩個疑似十二碼無判，坦白講三球嘅最終決定都唔可以話無理據，但同樣地，連續三個判罰都絕對有理據做唔同嘅決定，作為曼迷一定覺得hard done by。(利申︰嗰兩球十二碼如果判罰的確會有啲過soft)點都好，唔建議話Anthony Taylor係黑哨，因為佢全方位鳩吹嘅要諗嘅係，出Casemiro做單防中似乎係唔work，Sancho、Bruno雙中場喺兩邊嘅運轉亦做唔到拉扯效果。Ten Hag上半場係有試陣嘅味道，我就唔反對試新嘢，特別對手唔強，但因為試陣而令己隊最重要嘅球員停賽三場，似乎係被Manager of the Month個奬座迫害...
Casemiro再度領紅 半場形勢不樂觀
好少忍唔住半場出post。上半場三個判決對曼聯不利，先有Casemiro由黃變直紅、兩個疑似十二碼無判，坦白講三球嘅最終決定都唔可以話無理據，但同樣地，連續三個判罰都絕對有理據做唔同嘅決定，作為曼迷一定覺得hard done by。(利申︰嗰兩球十二碼如果判罰的確會有啲過soft)點都好，唔建議話Anthony Taylor係黑哨，因為佢全方位鳩吹嘅要諗嘅係，出Casemiro做單防中似乎係唔work，Sancho、Bruno雙中場喺兩邊嘅運轉亦做唔到拉扯效果。Ten Hag上半場係有試陣嘅味道，我就唔反對試新嘢，特別對手唔強，但因為試陣而令己隊最重要嘅球員停賽三場，似乎係被Manager of the Month個奬座迫害...
以大勝回應大敗 曼聯百花齊放先拔頭籌
大敗過後，今場Ten Hag刻意選擇用返對利物浦嘅正選十一人迎戰皇家貝迪斯，明顯係人事管理嘅一部份而非戰術安排。球員頭十分鐘已經表現無限鬥志，球球波都全速追波同前進，將節奏推至極速，與其話熱血、精神面貌大改進，反而更令人擔心球隊情緒向天秤嘅另一端失控。坦白講今場入四球算少，特別係下半場曼聯心態定返啲之後，漸漸控制大局，皇家貝迪斯中場亦容許太多空位比Bruno、Casemiro等人傳球，入四球波嘅球員都唔同，進攻套路亦不一樣，算係喜訊，但講緊全場25射13中，只入四球真係把握力不足。三球優勢帶去次回合作客，理應相對輕鬆。希望上半場嘅疑似手球失波唔會造成太大影響，又，球証部份嘅判決係令人不明所以...
以大勝回應大敗 曼聯百花齊放先拔頭籌
大敗過後，今場Ten Hag刻意選擇用返對利物浦嘅正選十一人迎戰皇家貝迪斯，明顯係人事管理嘅一部份而非戰術安排。球員頭十分鐘已經表現無限鬥志，球球波都全速追波同前進，將節奏推至極速，與其話熱血、精神面貌大改進，反而更令人擔心球隊情緒向天秤嘅另一端失控。坦白講今場入四球算少，特別係下半場曼聯心態定返啲之後，漸漸控制大局，皇家貝迪斯中場亦容許太多空位比Bruno、Casemiro等人傳球，入四球波嘅球員都唔同，進攻套路亦不一樣，算係喜訊，但講緊全場25射13中，只入四球真係把握力不足。三球優勢帶去次回合作客，理應相對輕鬆。希望上半場嘅疑似手球失波唔會造成太大影響，又，球証部份嘅判決係令人不明所以...