睇完場波，我最大感受係︰
寫貓紙比De Gea條友一定係內鬼嚟。
睇得出曼聯有部署過十二碼訓練，個個球員 （可能除咗Sabitzer）行埋十二碼點都好有信心，Lindelof抽筋都仲射到死角波出嚟，唔會係僥倖。
由季初輸比白禮頓，到今日白禮頓狀態正勇之時可以同對手踢到平分秋色（雖然場波觀感上悶咗啲），你可以話曼聯未重拾皇者光采，但唔可以否認球隊進步緊。見好多人公海鬧點解加時下半場換走哂啲識射十二碼嘅人，大佬個個都鐵人咩… 唔好唔記得曼聯由一月到而家，唔計國際賽周期基本上無間斷一周雙賽。你估對白禮頓體能易頂架咩…
曼聯出線固然開心，部份嘅我仍為白禮頓無法打入決賽感到可惜。事實上白禮頓後備兵源相對大球會一定比較薄弱，延長戰真係打道氣多過打板凳，March、三笘薰去到加時都仲有一段仔爆下，但去到最後嗰腳嘅控制都顯得吃力——呢樣嘢又顯得福仔勁，110分鐘都仲有腳波接應長傳痴到實再拉弓勁射，之餘，仲無抽筋。
最後fun fact︰曼聯同曼城將會係史上第一次喺主要賽事決賽碰頭，真係估唔到。
寫貓紙比De Gea條友一定係內鬼嚟。
睇得出曼聯有部署過十二碼訓練，個個球員 （可能除咗Sabitzer）行埋十二碼點都好有信心，Lindelof抽筋都仲射到死角波出嚟，唔會係僥倖。
由季初輸比白禮頓，到今日白禮頓狀態正勇之時可以同對手踢到平分秋色（雖然場波觀感上悶咗啲），你可以話曼聯未重拾皇者光采，但唔可以否認球隊進步緊。見好多人公海鬧點解加時下半場換走哂啲識射十二碼嘅人，大佬個個都鐵人咩… 唔好唔記得曼聯由一月到而家，唔計國際賽周期基本上無間斷一周雙賽。你估對白禮頓體能易頂架咩…
曼聯出線固然開心，部份嘅我仍為白禮頓無法打入決賽感到可惜。事實上白禮頓後備兵源相對大球會一定比較薄弱，延長戰真係打道氣多過打板凳，March、三笘薰去到加時都仲有一段仔爆下，但去到最後嗰腳嘅控制都顯得吃力——呢樣嘢又顯得福仔勁，110分鐘都仲有腳波接應長傳痴到實再拉弓勁射，之餘，仲無抽筋。
最後fun fact︰曼聯同曼城將會係史上第一次喺主要賽事決賽碰頭，真係估唔到。