喺上週就講左持有率 (Ownership % / TSB %),
咁經歷左兩個GW之後呢, 大會應該都會發現,
唔係話有100蚊買人架咩, 點解好似少左錢既?
又或者唔係得100蚊買人既咩? 點解多左錢既?
如果係前者, We are so sorry, 後者就恭喜哂啦!
喺英超Fantasy 入面, 每個球員都會有一個相對應既價值 (Value)
初始係用每0.5黎做區分, 但當進入GW1之後, 球員既價值, 就會隨住唔同既因素而有所變動。
而調整單位, 通常係每0.1, 上落都係0.1, 而每個GW, 上落既限度會定喺0.3, 即係GW之間, 一個球員既Value, 最多升0.3, 或者最多跌0.3。
呢個價值, 當你持有既球員, 每升值0.2 (2格), 你決定賣出既時候, 佢就會回饋0.1俾你既整體team value, 但當你持有既球員每跌0.1, 你做transfer, 賣出該球員, 就會實實在在少左0.1既budget.
官方由始至終都係無講過一個正式既機制, 但暫時所能夠推敲既, 應該同TSB% 有密切關係。
再講白少少, 就係transfer in / out。
由於GW1開始之前係無限制調動, GW1關始之後, 就會形成初始既TSB%.
大家每GW只有1個Free Transfer, 最多係儲到2個Free Transfer既Quota, 任何extra transfer, (或者我地叫take hit), 就每1個transaction要付出-4分既代價。
球員亮眼既表現, 正常黎講都會吸引眾多FPL Managers既目光, 咁GW之間, 可能就會成為眾人transfer in既目標, I.e. TSB%會相應上升。就好似鯊魚聞到血而衝向獵物開餐一樣, 呢班Transfer in既Managers形成一股拉力, 導致最終球員既價格上升。
反之, 有一啲球員未達到大眾既期望, 或者大眾對持有該球員既熱情, 甚至耐性減退, 咁大家就會喺GW之間將球員Transfer out, 重新調配球隊既資源, 咁呢股力量, 就會一步一步推低球員既TSB%, 價格亦可能相對走低。
寫到呢度, 我大膽推敲理解價格升跌既背後理念。
由於Classic League入面, 所有球員都係無上限可以擁有, 如果表現好既球員, 大家都追捧, 長遠黎講大家個陣容會越來越接近, 變相到遊戲尾段, 可能難分勝負。
加入左價格升跌機制, 可以當成一個獎勵, 獎賞早早獨具慧眼既Manager, 同時亦令後追相關球員既FPL Manager要付出更多既Cost先可以持有 。
相反, 跌價既球員, 由於入手相對便宜, 變相亦提供一個誘因, 令FPL Manager去考慮入手, 最後達至一個平衡, 以及整個遊戲既Diversity。
小記, GW2-GW3, 有極多既玩家要追價追入呢期hit爆既Antonio, Benrahma等等,
喺HKFPL既Whatsapp Group, 每朝9點半, 準時報價,
大家既討論點, 都係追定唔追, 唔追仲入唔入到。
市場, 係衝動, 但價格變動, 係絕對真實, 並且影響你既team planning, 有時買唔到你想買果個, 就要揀Plan B啦。
樽仔@HKFPL