2023/24曼聯賽事精華
英超第二輪．熱刺 2 - 0 曼聯 (8月20日)
成場波好似上場對狼隊翻版一樣，進攻力量唔夠，防守輕易俾人打穿，分別只在自己入唔到波比對方入波先。上半場加拿祖好多機會，但最後一腳處理十分差，若然稍好的話應該可以先開紀錄，又另一個世界。華舒福打中鋒無睇頭，安東尼依然咁死款，防守上仲可以提供一定效率，但進攻真係唔知佢踢乜。下半場開波無耐先失波，成個形勢逆轉，比熱刺壓住打咗十幾分鐘，雖然反撲試過中柱。但作球迷睇到曼聯踢起黎無乜章法，一落後般奴就好急躁，好多冒險傳球望一下打穿，送控球權比人。曼治定位仍然係大問題，進攻主力係般奴，曼治企佢身後但無艾歷臣果種分波派牌的能力，進攻唔上力，防守唔係佢專長，踢中路偏左個位，唔上唔落唔知點，未換人換位前，係好少見佢後插上去。曼治要係進攻前三分一區先有威脅，但如果佢上，般奴又上，連卡斯美路都會偶然後上助攻，中場覆蓋率唔夠，熱刺個比素馬經常如入無人之境。兩場都踢得咁差，下場點都要變，一係出返馬斯亞，比華舒福過返左邊， 收起加拿祖。二係收起加拿祖或安東尼，比曼治打上一格，出返艾歷臣穩定返個中場先。 精華片段：
英超第二輪．熱刺 2 - 0 曼聯 (8月20日)
成場波好似上場對狼隊翻版一樣，進攻力量唔夠，防守輕易俾人打穿，分別只在自己入唔到波比對方入波先。上半場加拿祖好多機會，但最後一腳處理十分差，若然稍好的話應該可以先開紀錄，又另一個世界。華舒福打中鋒無睇頭，安東尼依然咁死款，防守上仲可以提供一定效率，但進攻真係唔知佢踢乜。下半場開波無耐先失波，成個形勢逆轉，比熱刺壓住打咗十幾分鐘，雖然反撲試過中柱。但作球迷睇到曼聯踢起黎無乜章法，一落後般奴就好急躁，好多冒險傳球望一下打穿，送控球權比人。曼治定位仍然係大問題，進攻主力係般奴，曼治企佢身後但無艾歷臣果種分波派牌的能力，進攻唔上力，防守唔係佢專長，踢中路偏左個位，唔上唔落唔知點，未換人換位前，係好少見佢後插上去。曼治要係進攻前三分一區先有威脅，但如果佢上，般奴又上，連卡斯美路都會偶然後上助攻，中場覆蓋率唔夠，熱刺個比素馬經常如入無人之境。兩場都踢得咁差，下場點都要變，一係出返馬斯亞，比華舒福過返左邊， 收起加拿祖。二係收起加拿祖或安東尼，比曼治打上一格，出返艾歷臣穩定返個中場先。 精華片段：
英超第一輪．曼聯 1 - 0 狼隊 (8月15日)
開季第一場打得相當吃力，部份球員狀態未足，曼治的融合程度亦有待提升。中前場力量不足，對住狼隊的緊逼硬朗防守好多時一逼即甩，上半場加拿祖被施美度可以話係守到一棟都無。華舒福之前打開口牌話更加喜歡打左翼，將他放在中路發揮亦很受限。上半場亮點反而是雲比沙卡，助攻助守不違餘力，幾次打穿狼隊防線。反觀狼隊幾次反擊威脅十足，若非鋒線把握力不足，應該可先開紀錄。形勢一直去到下半場換人才有所轉變，辛祖換入後進攻路數較多，施美度不太適應，幾次在左路造成缺口。艾歷臣在陣下中場結構亦比較穩定，終於在七十六分鐘由雲比沙卡助攻華拉尼攻入一球。去到比賽末段，基本係比狼隊圍攻，更有安拿拿出迎打空犯規，事後走甩VAR十二碼。今季第一場，睇落同上季變化唔大，曼治係中場位置比佢係車路士後得多，但中場串連能力又未及艾歷臣，究竟如何適應可能係季初曼聯最大關鍵。 精華片段：
英超第一輪．曼聯 1 - 0 狼隊 (8月15日)
開季第一場打得相當吃力，部份球員狀態未足，曼治的融合程度亦有待提升。中前場力量不足，對住狼隊的緊逼硬朗防守好多時一逼即甩，上半場加拿祖被施美度可以話係守到一棟都無。華舒福之前打開口牌話更加喜歡打左翼，將他放在中路發揮亦很受限。上半場亮點反而是雲比沙卡，助攻助守不違餘力，幾次打穿狼隊防線。反觀狼隊幾次反擊威脅十足，若非鋒線把握力不足，應該可先開紀錄。形勢一直去到下半場換人才有所轉變，辛祖換入後進攻路數較多，施美度不太適應，幾次在左路造成缺口。艾歷臣在陣下中場結構亦比較穩定，終於在七十六分鐘由雲比沙卡助攻華拉尼攻入一球。去到比賽末段，基本係比狼隊圍攻，更有安拿拿出迎打空犯規，事後走甩VAR十二碼。今季第一場，睇落同上季變化唔大，曼治係中場位置比佢係車路士後得多，但中場串連能力又未及艾歷臣，究竟如何適應可能係季初曼聯最大關鍵。 精華片段：