車路士 1-1 曼聯
卡域克第二場亦係最後一場帶隊，正選陣容相當大驚喜，收起C朗及雲迪碧，一時間摸不清係打甚麼陣式。直到開賽後，防守上排433，般奴居中，辛祖及華舒福放在兩翼。至於進攻，抱歉，上半場被車路士壓制，幾乎沒有組織到有效的進攻，只有零星一兩次長傳快放。
不過整個上半場讓球驚喜係，在普巴、麥佳亞缺陣，馬斯亞後備下，整隊波的速率大增，雖然前場的緊逼及遮線唔算做得好，但係一人走多步的情況下，仍能負隅頑抗與車路士周旋。當然又再一提要不是迪基亞，在初段化解幾下威脅，否則難打得多。
正擔心曼聯用咁高速的體力打法，未必能捱到尾，之後竟然係佐真奴犯下嚴重錯誤，曼聯角球解圍，係毫無威脅下控甩，比辛祖長驅直進射成一比零。不過呢球都係講下，華舒福跑上去期間，幾乎全程處於越位位置，好彩辛祖無交決定自己射。
之後球隊士氣大振，氣勢甚至一度反壓車路士，不過好可惜稍後雲比沙卡禁解圍時踢中人輸十二碼，被追和1:1。直到八十七分鐘，本來再有領先機會，車路士門將文迪犯錯，將皮球直接傳到費特腳下，不過費特選擇笠射，直接將波交返比文迪。
今場比賽見到，球隊微調下，球員拼搏一人走多一步，依然可以發揮到應有的戰力，與前列的差距並無想像中咁大，因為賽前的預計，面對近況甚佳的車路士，可能會被大炒一場。
下場應該係新領隊蘭歷克執教，希望操起班球員，係聯賽打返上去。
精華片段