都係嗰句，唔否認曼聯有換門將嘅需要（甚至係必要），假如真係買到Onana，相信會比De Gea更適合曼聯未來踢法。所以絕對唔係要死攬De Gea，由頭到尾作為曼聯迷，不忿嘅係曼聯班管理層嘅處理手法。
假如一早諗住今夏換人，點解季中要同De Gea傾續約？定係因為De Gea季尾有一段表現不穩，就突然認為佢唔再適合來季把關，所以就彈弓手重遞一張減薪合約？
在商言商，本來喜則來、不喜則去就好小事。不過球會就係唔係「商」咁簡單嘛。12個年頭，就算係普通打工仔喺一間公司做咗12年走，衰衰地都有塊薄過紙金牌丫。當初一早決定唔同人續約，比人風風光光喺奧脫福同主場球迷講拜拜，有咁難咩？
最後曼聯班管理層話你知，人情真係薄過紙…
